Eksodha 6:20 - Bhiblia Yo Sawuleka

²⁰ Amiramu a to tekana ni Jokabhedhi, hahani wawe, awu a nga veleka nayo Aroni ni Mosi. Amiramu a hanyile 137 wa malembe.

Eksodha 6:20 Referans Kwoze

Mitengo 26:59

Se ditina da msikati wa Anirami, i Jokebhedhi, mwana Levhi, awu a nga veleka Levhi a di Egipta; se awuwa i Anirami, a to veleka Aroni, ni Mosi, ni ndiyawe Miriyamu.

Eksodha 6:18

Vanana va Kohate ngu vava: Ametame, Isari, Hebroni ni Uziyeli. Kohate a hanyile 133 wa malembe.

Eksodha 6:16

Aawa matina a vanana va ka Levhi madingano ni tiveleko takwe: Gerisoni, Kohate ni Merari. Levhi a hanyile 137 wa malembe.

Mitengo 3:1

Ngu tiya tiveleko ta Aroni ni ta Mosi, mbimo yi Mkoma a nga womba-womba ka Mosi, mmangoni ka Sinayi.

Mitengo 26:58

atiya ndinyumba ta ka Levhi: Nyumba ya ka Libhina, nyumba ya ka Hebroni, nyumba ya ka Mali, nyumba ya ka Musita, nyumba ya ka Kora, se Kohate a to veleka Anirami.

1 Makronika 23:13

Vanana va Aniramu ngu vava: Aroni, ni Mosi; se Aroni a to sawulwa kasi kusawulekisa Wusawuleki wa Kusawuleka, ene ni vanana vakwe, ngu ha ku si gwitiko, kasi kuhisa dibaselo masoni ka Mkoma, ni ku mthumela, ni kuninga makatekwa ngu ditina dakwe, ngu ha ku si gwitiko.

Joxuwa 21:4

Ku to huma dikato da txyavelo txa vanana va ka Kohate, i ku Valevhi va lihunzu la mphaxeli Aroni, va mani txyavelo txa digumi da madhoropa ni mararu, a kuhuma amu ka lihunzu la ka Judha, ni la ka Simiyoni, ni la ka Bhenjamini,