Eksodha 6:13 - Bhiblia Yo Sawuleka

¹³ Konako Mkoma a to gela Mosi ni Aroni ti to ve womba ka vanana va ka Israyeli ni ka Faro, mfumeli wa Egipta, to vona va rumilwe kuhumisa va ka Israyeli ditikoni ka Egipta.

Eksodha 6:13 Referans Kwoze

2 Timoti 4:1

Na ku xambanyisa masoni ka Txizimu ni ka Jesu Kristu, awu a nota lamula vohanya ni vofa ngu kutiwonekisa kwakwe ni mfumo wakwe:

1 Timoti 6:13

Ani na kulaya, masoni ka Txizimu, txi ningako wutomi ka sotshe simaha, ni masoni ka Kristu Jesu, awu a nga fakaza masoni ka Ponsio Pilato ngu mafakazelo o tshura a kukholwa:

1 Timoti 5:21

Na kulaya masoni ka Txizimu ni ka Jesu Kristu, kumweko ni ka tingelozi to sawuleka, ti to u veketa sileleto siya, u nga lamule ngu kuwona khohe ya m'thu, u nga mahe txilo ngu kulondisela wuxaka.

1 Timoti 1:18

Ayi ngu yona gondo yi ni ku vekelako manzani kwako, mwanangu Timoti, madingano ni siprofeto si si nga wombwa ngu kale, na si txi komba awe; lwana yimbi ya yinene, u txi tsaniswa ngu sona siprofeto sile;

Masalmo 91:11

Nguko Mkoma a na rumela tingelozi takwe kwako, kasi ku ta ku wonelela ka totshe tinzila tako.

Dhewuteronome 31:14

Se Mkoma a to khene ka Mosi: “Masiku ako a kufa ma hafuhi; dhana Joxuwa, u txi ta nayo amu ditendani da msengeletano, kasi ku ani ni mi ninga sileleto sangu.” Sekoko Mosi ni Joxuwa, va to tsula ditendani ka msengeletano.

Mitengo 27:23

Se txitimwi kwakwe, a to sanzeka manza, e mninga mlayo, nga ti Mkoma a nga leletisa tona, ngu dianza da Mosi.

2 Timoti 2:4

A walo m'thu wu, a ku, a di yimbini, a txi ti ningetela ka mithumo ya kuhanya kuwa, ngako a txi lava kutsakisa awule a nga mramba ku ta yimbini.

1 Timoti 6:17

Ka vanyatithombe va ha mafuni muwa, va laye ti to va si ti kulisi, va si veki kuthemba kwawe ka thomba yo mbi tsana, aniko ve themba Txizimu, txi hi wuyiselako sotshe ngu ku hi tatela, kasiku hi tsaka.

Matewu 4:6

e mu gela tiya: “Ngako u di Mwanana wa Txizimu, ndaka u txi jatama hahatshi. Nguko ti bhatwe tito:” “Txizimu txi na ruma tingelozi ta txona, ti txi kuwonelela, kasiku ti na ku khamukela manzani ka tona, ti to u si ti dayisi mikondo ha ka dirigwi.”

Mitengo 27:19

Se u na mkombisa masoni ka Eleyazari, mphaxeli, ni masoni ka wotshe msengeletano, u niga mlayo masoni kwawe.

Eksodha 6:12

Ti di ngeto, Mosi a wombile masoni ka Mkoma, a txi khene: “Wona taku, vanana va ka Israyeli kha va khatala ngu ti ni nga va gela. Se ti nga mahisa kutxani ti to Faro, a txi ni engisa kani? Ani kha ni sikoti kuwombawomba ta tinene.”

Eksodha 6:14

Avava misungo ya tinyumba ta vatate vawe: Vanana va Rubheni, matiwula a Israyeli, ngu vava: Enoki, Falu, Hezironi ni Karini; eto ndimwaya ta va ka Rubheni.

Eksodha 6:26

Aroni ni Mosi, ngu vale Txizimu txi nga womba kwawe txi txi kha txona: Humisani vanana va ka Israyeli ditikoni ka Egipta, ngu mabutho awe a tiyimbi.