Eksodha 6:12 - Bhiblia Yo Sawuleka

¹² Ti di ngeto, Mosi a wombile masoni ka Mkoma, a txi khene: “Wona taku, vanana va ka Israyeli kha va khatala ngu ti ni nga va gela. Se ti nga mahisa kutxani ti to Faro, a txi ni engisa kani? Ani kha ni sikoti kuwombawomba ta tinene.”

Eksodha 6:12 Referans Kwoze

Eksodha 4:10

Sekoko Mosi a to khene ka Mkoma: “Yowe! Mkoma! Ani kha ni nga m'thu wo womba-womba ta tinene, hambi nyamnova, hambi nyatulo, hambi nyamsi konkuwa u nga womba-womba ni txithumi txako; kha ni sikoti kuwombawomba ta tinene, nguko ni m'thu wa kukangamela ni txidimiti.”

Jeremiya 1:6

Sekoko ani ni ti khani: “Oho! Mkoma Txizimu! Wona taku kha ni sikoti kuwombawomba; nguko ni mwanana!”

Eksodha 6:30

Sekoko Mosi a to xamula masoni ka Mkoma, a txi khene: “Ani ni m'thu wa txidimiti; ngu mhaka yeto, mfumeli Faro, a na ni engisisa kutxani kani?”

Jeremiya 6:10

Ni na gela mani, ni maha wufakazi waku va na wu engisa kani? Tinzeve tawe maphanzeve, kha va sikoti kuengisa. Mhaka ya Mkoma njiruko kwawe kha va yi dhundi.

Mithumo 7:51

“Anu va tithamo to banga, makhutu a timbilu ni a tinzeve, anu ma kanyisa yotshe mbimo Moya wo Sawuleka: Mi tekelela vatate vanu.

Levhi 26:41

nani ni tsimbilete kule navo, kambe ni va mahile ve wulela ka ditko da valala vawe; sekoko ngako timbilu tawe ta wukhutu ti txi hunduluka, va txi tumela ngu wunene txitsayiso ngu wubihi wawe,

Eksodha 6:9

Mosi a wombile totsheto ka vanana va ka Israyeli, aniko vona kha va mu engisa ngu kupandiseka, ngu mhaka ya kukarala ngu wukhumbi.

Eksodha 3:13

Sekoko Mosi a to khene ka Txizimu: “Ngako ani ni txi tsula ka vanana va ka Israyeli ni txi ya khani: Txizimu txa vatate vanu txi ni rumile kuta kwanu; se vona va txi ni wotisa va txi kha vona: Ditina da txona i mani kani? Ni na womba ni txi khani txani kani?”

Jeremiya 9:26

Ka Egipta, ni Judha, ni Edhomi, ni vanana va ka Amoni, ni Mowabhi, ni votshe vale va wilako makhona a misisi yawe, va zumbako txiwulani, nguko otshe matiko makhuna, ni yotshe nyumba ya ka Israyeli dikhutu mbiluni ka yona.

Isaya 6:5

Sekoko ani ni to khani: Dikhombo kwangu, ni lovile! Nguko ni m'thu wa txisofu txa kwa mbi basa, ni zumba hagari ka vathu va sisofu sa kwa mbi basa; maso angu ma woni mfumeli, Mkoma wa Mabutho a Tiyimbi.

Dhewuteronome 30:6

Mkoma, Txizimu txako, a na kulisa mbilu yako ngu wukwera ni mbilu ya liveleko lako, kasi ku u txi sikota kuranda Mkoma, Txizimu txako, ngu yotshe mbilu yako, ni wotshe moya wako, kasi ku u na mana kuhanya.

Eksodha 3:11

Sekoko Mosi a to khene ka Txizimu: “No va mani ani wa kusikota kuya ka Faro, ni txi ya humisa vanana va ka Israyeli ditikoni ka Egipta kani?”

Eksodha 4:1

Sekoko Mosi a to xamula a txi khene: “Aniko ni wona to kha va na mbi kholwa ngu ngani, kambe kha va na mbi engisa dipswi dangu, nguko va na womba va txi kha vona: Kha woneka Mkoma kwako.”

Eksodha 6:13

Konako Mkoma a to gela Mosi ni Aroni ti to ve womba ka vanana va ka Israyeli ni ka Faro, mfumeli wa Egipta, to vona va rumilwe kuhumisa va ka Israyeli ditikoni ka Egipta.