Eksodha 6:11 - Bhiblia Yo Sawuleka

¹¹ “Tsula u txi ya gela Faro, mfumeli wa Egipta, ti to e va leka vanana va ka Israyeli va txi huma ditikoni kwakwe.”

Eksodha 6:11 Referans Kwoze

Eksodha 7:1

Sekoko Mkoma a to khene ka Mosi: “Wona taku ni kumahile Txizimu masoni ka Faro; se Aroni, mwananu, a na va mprofeti wako.”

Eksodha 6:29

Mkoma a wombile ka Mosi a txi khene: Ani ngani Mkoma; womba ka Faro mfumeli wa Egipta, totshe ti ani ni kugelako.

Eksodha 5:23

Nguko kukhukhela ni txi ya tikomba ka Faro, ni txi womba-womba nayo ngu ditina dako, ene se a maneka a txi xupha vathu vako, ngu ditshuri, khwa tirula vathu vako!”

Eksodha 5:1

Ngu msana ka totshe Mosi ni Aroni va to tsula va txi ya wonana ni Faro, va txi ya kha vona: “Mkoma, Txizimu txa ka Israyeli, a womba tiya: Leka vathu vangu ve tsula, kasiku va txi ya ni mahela m'buso txiwulani.”

Eksodha 3:10

Na kuruma, tsula ka Faro, u txi ya humisa vathu vangu, vanana va ka Israyeli, ditikoni ka Egipta.”

Eksodha 4:22

Sekoko u na ya gela Faro u txi khawe: Mkoma a womba tiya: Mwanana wangu wa matiwula ngu Israyeli.

Eksodha 4:23

Ani ni kugete ti to khani: Leka mwanana wangu wa matiwula a txi tsula, kasiku a txi ya ni thumela! Aniko ngako u txi lamba ku mleka a txi tsula, ani ni na daya mwanana wako wa matiwula.

Eksodha 6:10

Mkoma a wombile kambe ka Mosi a txi khene: