Eksodha 5:8 - Bhiblia Yo Sawuleka

⁸ Se va kurumeteni ti to va txi bhaka mtengo wa sitini, wu va nga bhaka nyamnova ni nyatulo. Mi nga hunguleni ni ka kudotho, nguko vona mikara. Ngu toneto, va khalako ngu tona va txi kha vona: Hi lava kutsula hi txi ya phaxa ka Mkoma, Txizimu txathu!

Eksodha 5:8 Referans Kwoze

Masalmo 106:41

A va ningete mtamoni ka vamatiko, ve fumelwa ngu vale va nga ti va vengela.

Eksodha 5:7

“Kukhukhela kuwa, mi nga sweni mi va ninga mwasi kambe vathuvo, kasiku ve maha sitini, nga nyamnova ni nyatulo. Vona vapune va na dule va txi ti rwalela kambe mwasi.

Eksodha 5:9

Mthumo wa vona vathuvo wu nave wa hombe wo nemela ngutu, kasi va txi khatala ngu wona, va si engiseli mapswi a makuhu.”

Eksodha 5:17

Ti di ngeto, ene a to xamula a txi khene: Anu mi mikara ngutu; ngu mhaka ya toneto mi wombako mi txi khanu: Hi lava kutsula hi txi ya khozela Mkoma.

Eksodha 5:19

Sekoko vathangeli va vanana va ka Israyeli, va ti woni va di kuxuphekani ka hombe ngutu, nga ti va nga gelwa tona: “Mtengo wa sitini si mi bhakako ka ditshiku ni ditshiku kha wu na mbi hungulwa.”

Eksodha 1:11

Se Vaegipta va to veka vahombe va tihunzu, ti to ve xupha Vaisrayeli, ngu mithumo ya txibhalo. Va to akela Faro madhoropa a Pitomi, ni Ramusesi, amu ku nga ti ni ko veketela kona silo sakwe.