Eksodha 5:6 - Bhiblia Yo Sawuleka

⁶ Ngu tona eto, ka donedo ditshiku, Faro a to ninga mthetho ka vaxoli va vathu ni ka vabhali, a txi khene:

Eksodha 5:6 Referans Kwoze

Eksodha 5:19

Sekoko vathangeli va vanana va ka Israyeli, va ti woni va di kuxuphekani ka hombe ngutu, nga ti va nga gelwa tona: “Mtengo wa sitini si mi bhakako ka ditshiku ni ditshiku kha wu na mbi hungulwa.”

Eksodha 5:10

Sekoko vatsimbitisi va mithumo ni vathangeli vawe, va to huma ve womba ka vathu, va txi kha vona: “Faro a ti khene: Kha ni na mbi ngadi ni mi ninga mwasi kambe.

2 Makronika 26:11

Kambe Uziya a ti ti ni dibutho da yimbi da vavamna vo ziva kuthumisa matxhari, va to huma veya kulwani ngu mitxawa, va to tsula ngu mtengo wule wu nga balwa ngu Jeyeli mabhalani, ni Mahaseya mthangeli, va txi thangelwa ngu Ananiya mmweyo wa vathangeli va mfumeli.

Joxuwa 24:4

Isaake ni to mninga Jakobe ni Esawu. Esawu ni mningile mmango wa Sehire, kasiku wu txi maha thomba yakwe. Aniko Jakobe ni vanana vakwe va to relela ditikoni ka Egipta.

Joxuwa 8:33

Se votshe va ka Israyeli, ni madhota awe, ni vathangeli vawe, ni valamuli vawe, va ti ti ka madhawa mambidi a dibhokiso, masoni ka vaphaxeli va Valevhi, va nga ti ti rwala dibhokiso da txitumelelano txa Mkoma, valuveli ni sizikwa, hafu yawe yi ti ti masoni ka mmango wa Gerizimi, se yimwani hafu yi ti ti masoni ka mmango wa Ebhali, nga ti Mosi, txithumi txa Mkoma, a nga leletisa tona, kukatekisa vathu va ka Israyeli kukhatani.

Dhewuteronome 16:18

“U na veka valamuli ni vabhali, ka otshe madhoropa ale Mkoma, Txizimu txako, a no kuninga ka lihunzu ni lihunzu, vona va na thethisa vathu ngu kululama.

Dhewuteronome 1:15

Ni tekile vathangeli va tihunzu tanu, vathu vo ziva, ni mapimo, ni txi va maha vathangeli vanu: Vathangeli va 1.000, vathangeli va dizana, vathangeli va mtxhanu wa magumi, ni vathangeli va digumi, ni vaxayisi va tihunzu tanu.

Mitengo 11:16

Se Mkoma a ti khene ka Mosi: “Dhana madhota a mtxhanu wa magumi ni magumi mambidi, a vanana va ka Israyeli, ava u ti zivako taku madhota a vathu, ni vathangeli va kona; u va yisa masoni ka ditenda da msengeletano, amu va no ya maneka kona ni nawe.”

Eksodha 3:7

Se Mkoma a to khene: “Ni woni kuxupheka ka ngamu yangu, ayi yi ku ditikoni ka Egipta, ni engisile kudila kwawe ngu mhaka ya vaxuphi vawe; nguko ani na ziva kupandiseka kwawe.

Eksodha 1:11

Se Vaegipta va to veka vahombe va tihunzu, ti to ve xupha Vaisrayeli, ngu mithumo ya txibhalo. Va to akela Faro madhoropa a Pitomi, ni Ramusesi, amu ku nga ti ni ko veketela kona silo sakwe.

Mavingu 12:10

M'thu wo lulama a khatalela wutomi wa sifuyo sakwe, aniko wumbilu wa vaonhi mbudayi.

Joxuwa 24:1

Msana keto, Joxuwa a to tshanganisa totshe tihunzu ta va ka Israyeli kona Sikemi, a to ramba otshe madhota a ka Israyeli, ni vathangeli vawe, ni valamuli vawe, ni votshe vathangeli vawe va yimbi; vona va to ya maneka masoni ka Txizimu.

Eksodha 5:7

“Kukhukhela kuwa, mi nga sweni mi va ninga mwasi kambe vathuvo, kasiku ve maha sitini, nga nyamnova ni nyatulo. Vona vapune va na dule va txi ti rwalela kambe mwasi.