Eksodha 5:21 - Bhiblia Yo Sawuleka

²¹ Va to va gela va txi kha vona: “Mkoma a na mi wonisise a txi mi thethisa! Nguko mi hi mahete dibava masoni ka Faro ni masoni ka sithumi sakwe, mi vekile ditxhari manzani kwawe kasi va txi hi daya ngu dona!”

Eksodha 5:21 Referans Kwoze

Genesisi 34:30

Sekoko Jakobe a to womba ka Simiyoni ni ka Levhi, a txi khene: “Anu mi ni wusete dikhombo da hombe, ni livengo, masoni ka vanyamne va ditiko diya, Vakanana, ni Vaferezi: Athu hi vadotho, ngako vona va txo sengeletana ve hi wukela, hi na fuviswa, ani, ni mwaya wangu.”

1 Makronika 19:6

Mbimo yile koko, vanana va ka Amoni va nga wona taku va phayile livengo ka Dhavhidha, Hanumi ni vanana va ka Amoni, va to rumela 1.000 wa titalenta ta nzalama, kasi kuya lomba ngu yona sikotxikani ni vagadhi va mahantxhi va Mesopotamiya, ni va Siriya ni Mahaka, ni va Zobha.

2 Samuwele 10:6

Mbimo yile koko, vanana va ka Amoni va nga wona taku va vangile livengo la hombe hagari kwawe ni Dhavhidha; vanana va ka Amoni va to rumela kuya ramba 20.000 wa vavamna vo tsimbila ngu mikondo va Vasiriya ka Bheti-Reyobhe ni Vasiriya ka Zobha, ni 1.000 wa vavamna va mfumeli Mahaka, ni 12.000 wa vavamna va Tobhe.

1 Samuwele 27:12

Akisi a ti themba Dhavhidha, a txi khene: A ti mahile wo nyenywa ngu vathu va ka Israyeli, ngu kumaha keto, a na maha txithumi txangu kala kupinduka.

1 Samuwele 13:4

Sekoko votshe va ka Israyeli va to pfa to khene: Sauwle a date vawoneleli va Vafilista, ni ku va ka Israyeli va ti mahile txinyenyeko ka Vafilista. Sekoko vathu va to rambwa kuya ka Sawule, kona Giligali.

Eksodha 6:9

Mosi a wombile totsheto ka vanana va ka Israyeli, aniko vona kha va mu engisa ngu kupandiseka, ngu mhaka ya kukarala ngu wukhumbi.

Genesisi 16:5

Sekoko Sarayi a to khene ka Abramu: “Awe ngawe u fanelako kuwona mhaka ya kuruketelwa kwangu. Ni vekile txithumi txangu mawokoni kwako, se kukhukhela kuwa a nga wona ti to ana ni txirumbu, ani kha ni nga wa txilo masoni kwakwe. Txizimu txi na hi lamule ka mhaka yangu ni nawe!”

Joyeli 2:20

Se awule i ku wa Wuphemba, ni na m'yisa kule ni nanu, ni na mtshotsha ka ditiko da kuoma, da txiwula; va masoni ni na va rinza ka Linene la wutxani, ni va msana kwakwe ka Linene la mswa-ditambo; kununga ni kusina kwawe ku na guleka; nguko a mi onhete ka hombe.

Ekleziyaste 10:1

Nga kule phuka yofa yi pfalisako kununga ko txhipisa mafura o bhumula, ngu toneto, wuphukuphuku wa onha wutxhari ni wudhumo wa m'thu wa nduma.

Eksodha 14:11

Va wombile ka Mosi va txi kha vona: “Ina ditikoni ka Egipta ku ti si nga ni maphala, eko u nga hi thavisa kasi ku hi txi ta fa mu txiwulani kani? Ngu kutxani u txi maha toneto kani? Ngu kutxani u nga hi thavisa ditikoni ka Egipta kani?

Eksodha 4:31

Se athu va to kholwa; se kambe va tsakile ngu kuziva ti to Mkoma a alakanyile vanana vakwe va ka Israyeli, ngu kuwona ti vona va xanisekisako tona. Va to khizama va txi khozela Mkoma.

Genesisi 31:53

Txizimu txa Abrahamu, Txizimu txa Nakori, Txizimu txa lihunzu la mmweyo wawe, txi na mahe mlamuli hagari kwathu.” Se Jakobe a to xambanya ngu Txizimu txi txi khozelwako ngu Isaake, tate wakwe.

Eksodha 5:20

Mbimo yi va nga khukha masoni ka Faro, va to mana Mosi ni Aroni va nga ti va rinzete.

Eksodha 15:24

Se vathu va to ngungurukela ve wukela Mosi, va txi kha vona: “Se hi na sela txani kuwa kani?”

Eksodha 16:2

Msengeletano wotshe wa vanana va ka Israyeli wu to ngurangurela Mosi ni Aroni kona txiwulaniyo.

Mitengo 14:3

Ni kambe ngu kutxani ene Mkoma a txi hi yisa ka ditikodo, hi na ya guma ngu kudawelwa ngu matxhari hi ya ningela vasikati vathu ni vanana vathu, ve mahwa tikhumbi kani? I si nga tshuko hi tshumela hi txi ya Egipta kani?”

Mitengo 14:22

Kambe votshe vathu ava va nga wona kuphatima kwangu, ni sixamaliso si ni nga si maha kona Egipta, ni mu txiwulani, va nga ni duka digumi da sikhati; kambe vathu vava kha va engisi dipswi dangu,

Isaya 30:6

Mahungu a sihari sa Wulambwe. Ka ditiko da txixaniso ni xomulo (kutako ngu ka dona mnyoka, ni mwamilambo wo tura, a purumako), va na sanzeka tithomba tawe aha ka simbongolana, ni txitimwi ka malunda a makamelu, tithomba tawe, ka vathu va va na kwa mbi bhindula txilo kwawe.