Eksodha 5:2 - Bhiblia Yo Sawuleka

² Aniko Faro a to khene: “I maniMkoma, wa ku naza ni engisa dipswi dakwe, ni leka va ka Israyeli, ve tsula kani? Kha ni m'zivi Mkoma, kambe kha ni na mbi leka va ka Israyeli ve tsula.”

Eksodha 5:2 Referans Kwoze

Eksodha 3:19

Ani na tiziva ti to Faro, mfumeli wa Egipta, kha na mbi mi leka mi txi tsula, hahanze ko kurumetwa ngu dianza da mtamo.

Jobe 21:15

I mani wa Mtamo-wotshe, wa ku na za hi mthumela athu kani? Niku ti na hi vhuna txani kumaha mikombelo kwakwe kani?

2 Vafumeli 18:35

Nzi ngani hagari ka sizimu sa matiko si nga nga txhatxhisa ditiko da sona manzani kwangu, ka ku naza Mkoma e txhatxhisa Jerusalema manzani kwangu kani?

2 Vatesalonika 1:8

a di ha mdhikilani ka mndilo, kasiku e pharela ka vale va si txi ziviko Txizimu, ni ka va va si engisiko Evhangeli ya Mkoma wathu Jesu.

Varoma 1:28

Se aku va nga mbi lava kuziva txilo ngu didhawa da Txizimu, txona Txizimu txi va ningete ka mialakanyo yawe yo mbi vhuna txilo, veza ve maha ti ti si lavekiko.

Johani 16:3

Va na mi maha totshe tiya, nguko kha va m'ziva Tate ni nani.

Masalmo 14:1

Mahundwa ma womba timbiluni ka ona, ma txi kha ona: “Kha txi nga ho Txizimu!” Ma onhekile, ma txi maha mithumo yo nyenyeza; kha nga ho ni wammweyo a mahako ta tinene!

Masalmo 12:4

va txi kha vona: “Hi na xula ngu mapswi athu; kuwombawomba ha sikota. I mani a no hi xula kani?”

Masalmo 10:4

Kutikulisani kwakwe m'thu wo biha kha khatali ngu Mkoma, a khene: “Txizimu kha txi mahi txilo ngu kuhenya ka txona.” Ene a pimisa tito; Txizimu kha txi nga ho.

2 Makronika 32:19

Va to womba-womba ngu Txizimu txa Jerusalema, nga ti va wombawombisako tona ngu sizimu sa vathu va ditiko, so mahwa ngu manza a vathu.

2 Makronika 32:15

Konkuwa koko mi nga xengetelweni ngu Ezekhiya, hambi ku mi kujetele ngu mamahelo eyo, kambe mi nga mthembeni nguko kha ku na txizimu txa ditiko ni da dimwedo, hambi txa mfumo ni wawumwewo txi nga txhatxhisako vathu va txona manzani kwangu, hambi manzani ka vatate vangu, Txizimu txanu txi nga sikotisa kutxani ku mi hulukisa manzani kwangu.

1 Samuwele 2:12

Aniko vanana va Eli i ti ti vanana va wubihi, kambe va ti si zivi Mkoma;

Eksodha 7:17

Ngu tiya Mkoma a nga womba: Konkuwa u na tiziva ti to ani ngani Mkoma: Ngu ndonga yiya ni ku nayo manzani ni na peka mati a mnambo, se ona ma na hinduka ma txi maha mnoha.

Valamuli 2:10

Kambe li to sengeletwa lotshe liveleko lile ka vatate va lona, se msana ka kufa ka Joxuwa, ku to humelela limwani liveleko, li nga si zivi Mkoma, hambi kuziva ni ka kudotho mthumo wu a nga wu maha ka Israyeli.

2 Makronika 32:14

Ngu txihi txizimu, ka sizimu sotshe sa matiko ale vatate vangu va nga mahaxulela, txi nga sikotako kutxhatxhisa vathu va txona manzani kwangu, aha koza Txizimu txanu txi sikota ku mi txhatxhisa manzani kwangu kani?

Nehemiya 9:10

U kombisile sixamaliso ni sidiwukiso ka Faro, ni ka sotshe sithumi sakwe, ni ka vathu votshe va ditiko dakwe, nguko wu ti zivile ti va nga xanisisa tona vathu vako, se ngu kumaha keto u ti manete ditina, kufana ni ti ti wonekako nyamsi.

Jeremiya 42:13

Aniko ngako anu mi txi khanu: Kha hi na mbi zumba ka diya ditiko, mi si londisi dipswi da Mkoma, Txizimu txanu.

Jeremiya 48:26

Mleviseni nguko a ti kulisile masoni ka Mkoma; Mowabhi a na tshumelela ka makosa akwe, se ene a na xaniswa.

Dhaniyeli 3:15

Se konkuwa koko, mi txi lava kuhuluka, mbimo yi mi no pfa diguwa da mpundu, ni sitende ni tingoma ni makhombela ni titshodi, ni wa totshe tixaka ta sivetaveta, khizamani mi khozela txithombe txile ni nga txi maha, mi na va mi txi maha kwati; aniko ngako mi si txi khozeli, mi na rinzwa ka mbimo yoneyo, mndani ka txikho txa mndilo wu wu turako ngutu; se ngu txihi Txizimu txi nga sikotako ku mi txhatxhisa manzani kwangu kani?

1 Samuwele 25:10

Se Nabhali a to xamula ka sithumi sa Dhavhidha, a txi khene: I mani Dhavhidha, i mani mwana Jese kani? Masikwananu nzingi sithumi si tutumako ka vanyamne va sona.

Jobe 15:25

Nguko a nawulutile dianza dakwe e wukela Txizimu, e henyela wule wa Mtamo-wotshe.

Jobe 15:26

E kuluveta kuyela Txizimu ngu wulala, na a di ni siholoma sa sitxhavangu sakwe.

Masalmo 12:5

Mkoma a khene: “Ngu mhaka ya kuxaniseka ka sisiwana ni miketo ya vale va si pwatako ni na khukha ni txi ema, kha Mkoma, ni na va veka kuhulukani avale va vilelako.”

Mavingu 30:9

Kasi ku ngu kupfa kukhura, ni si ku kaneti, ni txi khani: I mani Mkoma kani? Mwendo ku ni di txisiwana, nipa, ni wukela Txizimu ngu dianza dangu.