Eksodha 5:19 - Bhiblia Yo Sawuleka

¹⁹ Sekoko vathangeli va vanana va ka Israyeli, va ti woni va di kuxuphekani ka hombe ngutu, nga ti va nga gelwa tona: “Mtengo wa sitini si mi bhakako ka ditshiku ni ditshiku kha wu na mbi hungulwa.”

Eksodha 5:19 Referans Kwoze

Ekleziyaste 5:8

Ngako u txi wona kuxaniswa ka sisiwana sa ditiko dokari da hombe, ni kulwiswa, ka wukhalo wa wulamuli ni wululamo, u nga xamale ngu mhaka yo nga eyo; nguko awule a ku txitimwi ngutu kupinda vale va ku txitimwi, wa khatala ngu tona; kambe ku ni vo guleka ngutu kupinda vona.

Ekleziyaste 4:1

Msana keto, ni to engeta ni wona sotshe sixaniso si si mahekako hahatshi ka ditambo; se ni to wona mirongo ya vale va xaniswako, ni ya vale va pwatako mthaveleli; kambe mtamo wu ti ti ka didhawa da vaxanisi vawe; aniko vona va si nga ni mthaveleli ni wammweyo.

Dhewuteronome 32:36

Mkoma a na emela vathu vakwe, kambe a na va ni wumbilu ngu sithumi sakwe. Ngako a txi wona ti to mtamo wawe wu ngumile ni ti to kha ka sala m'thu wo sungwa mwendo wo thuseka,

Eksodha 5:8

Se va kurumeteni ti to va txi bhaka mtengo wa sitini, wu va nga bhaka nyamnova ni nyatulo. Mi nga hunguleni ni ka kudotho, nguko vona mikara. Ngu toneto, va khalako ngu tona va txi kha vona: Hi lava kutsula hi txi ya phaxa ka Mkoma, Txizimu txathu!

Eksodha 5:18

Ti di ngeto konkuwa tshumelani, mi txi ya thuma. Kha mi na mbiswa mi txi ningwa kambe mwasi. Hambi keto, mi na maha mthumo wa mtengo wonewo wa sitini, mi nga sikelwa.

Eksodha 5:20

Mbimo yi va nga khukha masoni ka Faro, va to mana Mosi ni Aroni va nga ti va rinzete.