Eksodha 5:18 - Bhiblia Yo Sawuleka

¹⁸ Ti di ngeto konkuwa tshumelani, mi txi ya thuma. Kha mi na mbiswa mi txi ningwa kambe mwasi. Hambi keto, mi na maha mthumo wa mtengo wonewo wa sitini, mi nga sikelwa.

Eksodha 5:18 Referans Kwoze

Ezekhiyele 18:18

Tate wakwe, nga kule a nga xanisa, a txi pa somaha sa mwanawe, e maha ti i singako ta tinene hagari ka vathu, wona taku a na fa ngu mhaka ya wubihi wakwe.

Eksodha 5:17

Ti di ngeto, ene a to xamula a txi khene: Anu mi mikara ngutu; ngu mhaka ya toneto mi wombako mi txi khanu: Hi lava kutsula hi txi ya khozela Mkoma.

Eksodha 5:19

Sekoko vathangeli va vanana va ka Israyeli, va ti woni va di kuxuphekani ka hombe ngutu, nga ti va nga gelwa tona: “Mtengo wa sitini si mi bhakako ka ditshiku ni ditshiku kha wu na mbi hungulwa.”

2 Makronika 10:11

Ngako tate wangu a nga mi rweka mrwalo wo nemela, ani na engetela kunemela txitimwi ka mrwalo wanu; tate wangu a mi tsayisile ngu sisephu, kambe ani na mi tsayisa ngu tihume.

Ekleziyaste 4:1

Msana keto, ni to engeta ni wona sotshe sixaniso si si mahekako hahatshi ka ditambo; se ni to wona mirongo ya vale va xaniswako, ni ya vale va pwatako mthaveleli; kambe mtamo wu ti ti ka didhawa da vaxanisi vawe; aniko vona va si nga ni mthaveleli ni wammweyo.