Eksodha 5:17 - Bhiblia Yo Sawuleka

¹⁷ Ti di ngeto, ene a to xamula a txi khene: Anu mi mikara ngutu; ngu mhaka ya toneto mi wombako mi txi khanu: Hi lava kutsula hi txi ya khozela Mkoma.

Eksodha 5:17 Referans Kwoze

Johani 6:27

Mi nga karatekeni ngu kuthumela sakudya si si pindako, aniko thumelani asi si no va si diho kala kuhoka ka wutomi wo mbi guma, asiya Mwanana wa M'thu a no mi ninga, nguko Ene wu, ngene a nga vekelwa txixambanyo ngu Txizimu Tate.”

Matewu 26:8

Mbimo yi va nga wona tiya vagondiswa va to henya va txi kha vona: “Simaha siya si xakelelwa txani mahala kani?

Eksodha 5:8

Se va kurumeteni ti to va txi bhaka mtengo wa sitini, wu va nga bhaka nyamnova ni nyatulo. Mi nga hunguleni ni ka kudotho, nguko vona mikara. Ngu toneto, va khalako ngu tona va txi kha vona: Hi lava kutsula hi txi ya phaxa ka Mkoma, Txizimu txathu!

Eksodha 5:16

Kha vaswi va txi hi lavela mwasi, athu sithumi sako, kambe va kha vona: “Bhakani sitini;” se athu sithumi sako ha kwapelwa, kuve mnandu mbwa vathu vako.

Eksodha 5:18

Ti di ngeto konkuwa tshumelani, mi txi ya thuma. Kha mi na mbiswa mi txi ningwa kambe mwasi. Hambi keto, mi na maha mthumo wa mtengo wonewo wa sitini, mi nga sikelwa.