Eksodha 5:16 - Bhiblia Yo Sawuleka

¹⁶ Kha vaswi va txi hi lavela mwasi, athu sithumi sako, kambe va kha vona: “Bhakani sitini;” se athu sithumi sako ha kwapelwa, kuve mnandu mbwa vathu vako.

Eksodha 5:16 Referans Kwoze

Genesisi 11:3

Se va to angulana, va txi kha vona: “He wumbeni sitini, hi si hisa kha kwati ngu mndilo!” Sitini i ti ti marigwi a kona, ani ndope i ti ti semende ya kona.

Eksodha 5:15

Ngu kumaha keto, vathangeli va vanana va ka Israyeli va to ya dila ka Faro, va txi kha vona: “Ngu kutxani u txi maha tiya ka sithumi sako kani?”

Eksodha 5:17

Ti di ngeto, ene a to xamula a txi khene: Anu mi mikara ngutu; ngu mhaka ya toneto mi wombako mi txi khanu: Hi lava kutsula hi txi ya khozela Mkoma.

1 Vafumeli 12:14

Se a to va gelisa tile a nga vhuniswa tona ngu majaha, a txi khene: Tate wangu a nemetisile dikange danu, sekoko ani ni na engetela kambe kunemela ka dikange danu; tate wangu a mi tsayisile ngu ku mi kwapela, aniko ani ni na mi tsayisa ngu tingume.

Ekleziyaste 4:1

Msana keto, ni to engeta ni wona sotshe sixaniso si si mahekako hahatshi ka ditambo; se ni to wona mirongo ya vale va xaniswako, ni ya vale va pwatako mthaveleli; kambe mtamo wu ti ti ka didhawa da vaxanisi vawe; aniko vona va si nga ni mthaveleli ni wammweyo.

Ezekhiyele 16:4

Se ngu kuvelekwa kwako, ka ditshiku dile u nga velekwa, khwa wilwa likhofori, kambe khwa sambiswa ngu mati, kasi ku kusawulekisa, hambi ku dziringelwa ngu mnyu, mwendo kuphutelwa ngu nguwo.