Eksodha 40:9 - Bhiblia Yo Sawuleka

⁹ Sekoko u na teka mafura o tola u txi tota ngu ona nyumba yo sawuleka ni sotshe asi si ku mndani ka yona; u na yi sawulekisa ni sotshe simaha sa yona, yi txi va yi di sawulekile.

Eksodha 40:9 Referans Kwoze

Levhi 8:10

Sekoko, Mosi a to teka mtona wo tola e tota wukhalo wo sawuleka, ni sotshe si si manekako konaho, se sotshe si manekile si di sawulekil.

Mitengo 7:1

Ngu ditshiku di Mosi a nga gwitisa kuaka Ditenda da Msengeletano, a to di tota mafura, ni ku di katekisa, kumweko ni sotshe simaha sa dona, ni txiluvelo.

1 Johani 2:20

Se anu mi totilwe ngu kusawuleka, ma tiziva totshe.

2 Vakorinto 1:22

Txona ngu txona txi nga hi veka txivango ngu txixambanyo txa txona, txi txi zima timbiluni kwathu sitsaniso sa Moya.

2 Vakorinto 1:4

txona txi hi thavelela ka sotshe sixaniso sathu, kasiku hi sikota kuthavelela ava va karatekako, ngu yona thavelelo ayi nathu hi thavelelwako ngu yona ngu Txizimu.

Johani 3:34

Awu a nga rumwa ngu Txizimu a womba-womba mapswi a Txizimu, nguko ngu txona txi nga mninga Moya i si nga ngu mpimo.

Matewu 3:16

Jesu msana ka kuva a di bhabhatisilwe a to huma ngu matini. Konako, nzuma yi to tuleka, se Jesu e wona Moya wa Txizimu, wu nga ti relela nga dituva txitimwi kwakwe.

Isaya 61:1

Moya wa Mkoma Txizimu, wu txitimwi kwangu, nguko Mkoma a ni totile, kasi kuya txhumayela mahungu amanene ka sisiwana, a ni rumete kuya tirula vale va ku ni kuxaniseka mbiluni, ni kuya nuwela mhaka ya kuthukunyulwa ka va vo sungwa, ni kutulelwa ka vale vo ñolwa;

Isaya 11:2

Se Moya wa Mkoma wu na zumba txitimwi kwakwe Moya wa wuzivi ni wutxhari, Moya wawudhota ni mtamo, Moya wa kualakanya ni kuthava Mkoma.

Masalmo 45:7

Awe u fanete kuranda kululama, u txi nyenya wubihi; ngu mhaka yeto, Txizimu, Txizimu txako, txi ku sawulete toneto hagari ka majaha kuloni txi kusawulekisa ngu mafura kasi ku kumaha mfumeli.

Eksodha 39:39

ni txiluvelo txa koporo, ni txibawulelo txa koporo, mipakato, ni sotshe simaha sa kona, mkamba ni txipande;

Eksodha 37:29

A mahile kambe mtona wa kutota ko sawuleka ni txingema txo bhumula, so mahwa ngu wutxhari.

Vahebheru 9:21

Msana, a to xwayela ditenda ni sotshe siya si si thumiswako magandeloni.

Eksodha 40:8

U na pambiyeta diguma ngu kurendelekisa, kambe u na veka m'jiyo wa nguwo ha txikeni ka diguma.

Ezekhiyele 28:14

U ti ti dikerubhima do totwa kasi kuvhikela, kambe ni kuvekile; u ti ti mmangoni ko sawuleka ka Txizimu, u ti ti tsimbila hagari ka marigwi o phatimisa ku nga mndilo.