Eksodha 40:5 - Bhiblia Yo Sawuleka

⁵ U na veka txiluvelo txa nzalama txa dibaselo do bhumula ngu masoni ka dibhokiso da Wufakazi; sekoko u na hayeka m'jiyo ngu ha txikeni ka ditenda do sawuleka.

Eksodha 40:5 Referans Kwoze

Vahebheru 9:24

Se, Kristu kha wulela ka wukhalo wo sawuleka wo mahwa ngu manza a m'thu, txifananiso txa wukhalo wo sawuleka wa ditshuri. Aniko a wulete nzumani kupune, kasi ku a txi ya hi emela konkuwa masoni ka Txizimu.

Johani 14:6

Jesu a to mu gela a txi khene: “Ani ngani Nzila, Ditshuri ni Wutomi. Kha nga ho awule a tako ka Tata, i si nga ngu ngani.

Eksodha 40:6

U na veka txiluvelo txa mhamba yo hiswa ngu masoni ka txike txa nyumba yo sawuleka ya ditenda da msengeletano.

Mitengo 4:5

Ngako di txi khukha, Aroni ni vanana vakwe, va na thavisa nguwo ya txibhiya. Va na fenengeta ngu yona dibhokiso da wufakazi.

Eksodha 30:6

U na veka txiluvelo masoni ka m'jiyo awule wu ku ngu masoni ka dibhokiso da txitumelelano, masoni ka txikhalo txa wuxinji atxi txi ku txitimwi ka wufakazi, ahale ni nota manana kona ni nawe.