Eksodha 40:34 - Bhiblia Yo Sawuleka

³⁴ Sekoko, direfu di to fenengeta ditenda da msengeletano ni kuphatima ka Mkoma ku manekile ku txi tata ditenda do sawuleka.

Eksodha 40:34 Referans Kwoze

Mtuletelo 15:8

Dithepele di to tala ngu wutshi, ngu mhaka ya wudhumo wa Txizimu ni mtamo wa txona, ahawa koza ni wammweyo asi sikoti kuwulela Dithepeleni, kala kuza kuhetiseka mitungu yile ya mtxhanu ni yimbidi ya tingelozi ta mtxhanu ni timbidi.

2 Makronika 7:2

Vaphaxeli ve tandeka ni kuwulela Nyumbani ka Mkoma, nguko wudhumo wa Mkoma u ti tatile Nyumba ya Mkoma.

Eksodha 29:43

Ngu wonewo wukhalo ni no va ni txi ta manana ni vanana va ka Israyeli, se wu na va i di wukhalo wu wu no va wu txi sawulekiswa ngu wudhumo wangu.

Eksodha 14:24

Ngu mbimo ya mixo, Mkoma a to wona ngu mu ka phande ya mndilo ni ya direfu ngu didhawa da wugovelo wa Vaegipta, se e va vinganyisa.

Levhi 16:2

Mkoma koko a to khene ka Mosi: Gela Aroni mwananu asi wuleli ni ka txihi txikhati amu ka wukhalo wo sawuleka, asi pindi m'jiyo, awu wu hambanisako madhawa a mambidi a wukhalo wo sawuleka, masoni ka txikhalo txa wuxinji txi manekako txitimwi ka mtundu, kasi asi manwi ngu phango ya kufa, nguko ni na ti humelelisa ngu direfu txitimwi ka txikhalo txa wuxinji.

Eksodha 33:9

Se mbimo yile Mosi a nga ti wulela ditendani, phande ya direfu yi ti ti relela yi ta ema ha txikeni, se Mkoma e womba-womba ni Mosi.

Mtuletelo 21:3

Se ni engisile kambe dimwani dipswi da hombe di nga pfala di txi khukhela ka txikhalo txa wukoma, di txi kha dona: “Ndide ditenda da Txizimu di ku hagari ka vathu! Txona txi na aka hagari kwawe, vona va na va i di vathu va txona; se txona Txizimu txipune txi na va txi di navo, txi maha Txizimu txawe.

Hagayi 2:9

Wudhumo wa nyumba yi yo gwitisa, wu na va wa hombe kupinda wa yile yo khata, kuwomba Mkoma wa Mabutho a Tiyimbi, kambe ka wukhalo wuwa ni na ninga kudikha, kuwomba Mkoma wa Mabutho a Tiyimbi.

Hagayi 2:7

ni na dekadekisa otshe matiko, se ti nata tithomba ngu ka matiko, ni na tata nyumba yiya ngu wudhumo, kuwomba Mkoma wa Mabutho a Tiyimbi.

Isaya 6:4

Se misasimo ya matimba yi to zinginika, ngu dipswi da wule a nga ti kwangula, ni nyumba yi to tala ngu wutshi.

2 Makronika 5:13

Se votshe va ti ti veta ni kuembelela ngu dipswi dimwedo, va txi dhumisa ni kubonga Mkoma, va txi kha vona nguko mnene; nguko wunene wakwe wu zumba ngu ha ku si gwitiko, sekoko direfu dokari di to tata nyumba, Nyumba ya Mkoma.

Eksodha 25:8

Va na ni mahele nyumba yo sawuleka, kasiku ani ni sikota kuzumba hagari kwawe.

Varoma 9:4

i ku va ka Israyeli, ava va nga sawulwa ve mahwa vanana va Txizimu, va txi ningwa wudhumo, situmelelano, mlayo, wukhongeli, ni sithembiso;

Mitengo 7:89

Se mbimo yile Mosi a nga ti wulela ditendani ka msengeletano, kasi kuya womba-womba ni Mkoma, a ti ti engisela dipswi, di di nga ti womba kwakwe, ngu txitimwi ka txikhalo txa wumbilu, txitimwi ka dibhokiso da Wufakazi, ngu hagari ka makerubhima mambidi; di ti ti wombawombisa tona tiya nayo.

2 Samuwele 7:6

Nguko kha ni khali kuzumba ka nyumba ni ya yimweyo, kukhukhela ditshiku dile ni nga humisa ngu dona vanana va ka Israyeli Egipta kala ka ditshiku da nyamsi; kambe ni zumbile amu ka matenda ni mu ka midhuti.

Ezekhiyele 10:4

Sekoko wudhundo wa Mkoma wu to khukha ngu txitimwi ka makerubhima, wu txi ya txikenini ka nyumba; se nyumba yi to tatwa ngu direfu, ni muhubhe wu to tala ngu kuphatima ka wudhundo wa Mkoma.

Eksodha 16:10

Mbimo yi Aroni a nga ti womba-womba ka msengeletano wotshe wa vanana va ka Israyeli, va to tshembereka va txi wona didhawa da txiwulani, aha ku nga humelela mu direfuni wudhumo wa Mkoma.

Masalmo 26:8

Mkoma, ani na randa kuzumba nyumbani kwako, i ku wukhalo wu ku ti kombako wudhumo wako.

Isaya 57:15

Nguko a womba tona eto Nyatxitimwi, wa Kuthaviseka, a zumbako kupindukani, eyo ditina dakwe i ku Kusawuleka: Ni zumba ka wukhalo wo guleka ni kusawuleka, kumweko ni kuxaniseka, ni kukarateka moyani, kasi kuwusa moya wa vale vo karateka, ni kuwusa timbilu ta vaxaniseki.