Eksodha 40:24 - Bhiblia Yo Sawuleka

²⁴ A vekile phande ya malambu amu ka ditenda da msengeletano, masoni ka meza, ngu didhawa da wulambwe ka ditenda da msengeletano,

Eksodha 40:24 Referans Kwoze

Mtuletelo 2:5

Ngu toneto, alakanya ahawa u nga wela kona, hunduluka u txi teka mahanyelo o khata. U si mahi eto, ni na ku tela se, ngako u si hunduluki ni nata thavisa txipande txako txa dikhanjela ha wukhaloni ka txona.

Mtuletelo 1:20

Ngu mhaka ya msisalo wa mtxhanu wa tinyeleti ni timbidi, u nga ti wona ka dianza dangu da txinene ni mtxhanu wa sipande ni simbidi, sa nzalama, eto ti womba tiya: Tinyeleti ta mtxhanu ni timbidi, ndingelozi ta mabanza a mtxhanu ni mambidi, ani mtxhanu wa sipande ni simbidi i mabanza a mtxhanu ni mambidi.

Johani 8:12

Jesu a to tshumela a txi womba-womba ni vathu, a txi va gela ku khene: “Ani ni liwoningo la ditiko. Awu a ni londisako, kha tsimbili txidemani, kambe a na va ni kuwonekela ka wutomi.”

Johani 1:9

Dipswi i ti liwoningo la ditshuri, aliya li woningako votshe vathu, li txi ta ha mafuni.

Johani 1:5

Liwoningo liya li woningile txidemani, kambe txidema kha txa li xula.

Johani 1:1

Kukhatani ku ti ni Dipswi; Dipswi di ti ni Txizimu, Dipswi i ti Txizimu.

Masalmo 119:105

Dipswi dako i liwoningo la mikondo yangu, dilambu da nzila yangu.

Eksodha 26:35

U na veka meza ngu hahatshi ka m'jiyo, ni msanje wa malambu ngu masoni ka meza, ngu didhawa da wulambwe ka ditenda do sawuleka; kasi ngu meza yi na zumbela didhawa ka wuphemba.

Eksodha 40:4

U na wuletisa meza u txi veka txitimwi ka yona dibhokiso da txitumelelano ni sotshe siya sa kona. U na tisa phande ya malambu, se u na lumekela malambu a kona.

Eksodha 40:23

a to veketela mapawu ngu ku ma txhatxhameta masoni ka Mkoma, nga tona ti Mkoma a nga leletisa tona ka Mosi.

Eksodha 40:25

se a to txhatxhameta malambu e ma turisa masoni ka Mkoma, nga tonti Mkoma a nga leletisa tona ka Mosi.