Eksodha 40:23 - Bhiblia Yo Sawuleka

²³ a to veketela mapawu ngu ku ma txhatxhameta masoni ka Mkoma, nga tona ti Mkoma a nga leletisa tona ka Mosi.

Eksodha 40:23 Referans Kwoze

Eksodha 40:4

U na wuletisa meza u txi veka txitimwi ka yona dibhokiso da txitumelelano ni sotshe siya sa kona. U na tisa phande ya malambu, se u na lumekela malambu a kona.

Eksodha 25:30

Se txitimwi ka meza u na veka mapawu a mhamba, ma txi va i di txikombiso masoni kwangu, ka yotshe mbimo.

Vahebheru 9:2

Nguko, ku akilwe ditenda: Ditenda do khata di dhanwako ku wukhalo wo sawuleka, amuwa ku nga ti vekilwe dilambu, ni meza ni mapawu a miphaxo.

Matewu 12:4

Ti to ene a wulelisite kutxani nyumbani ka Txizimu, e dya mapawu a mphaxo, aawa ma nga ti si faneli kudyiwa ngu ngene ni va a nga ti navo, kambe ma ti fanela kudyiwa ngu vaphaxeli vokha, kani?

Eksodha 40:24

A vekile phande ya malambu amu ka ditenda da msengeletano, masoni ka meza, ngu didhawa da wulambwe ka ditenda da msengeletano,

Levhi 24:5

Se u na teka mpupu wa wunene, u bhika ngu wona digumi da sibhubhutela ni simbidi; txibhubhutela tximwetxo ni tximwetxo, txi na va txa mipimo yimbidi ya wugumi.

Levhi 24:6

U txi si folisa ngu titxhatxha timbidi, mtxhanu ni tximwetxo ka litxhatxha limwelo ni limwani, txitimwi ka meza yo sawuleka, masoni ka Mkoma.

Masalmo 99:6

Mosi ni Aroni i ti vaphaxeli vakwe Samuwele i ti mmweyo wa vale va dhumisako ditina da Mkoma; vona va dhani Mkoma, se ene a va xamute.