Eksodha 40:2 - Bhiblia Yo Sawuleka

² “Ka ditshiku do khata da mtxima wo khata, u na aka nyumba ya ditenda da msengeletano.

Eksodha 40:2 Referans Kwoze

Eksodha 26:30

Sekoko u na gwimbisa toneto ditenda, nga ti ni nga ku kombisisa tona ka wona mmango wuwa.

Eksodha 13:4

Anu ma huma nyamsi ka mtxima wa Abhibhi i ku wo khata, ka ditshiku da kuhuma kwanu ditikoni ka Egipta.

Mitengo 7:1

Ngu ditshiku di Mosi a nga gwitisa kuaka Ditenda da Msengeletano, a to di tota mafura, ni ku di katekisa, kumweko ni sotshe simaha sa dona, ni txiluvelo.

Mitengo 1:1

Mkoma a to womba kambe ka Mosi, txiwulani ka Sinayi, ditendani ka msengeletano, ka ditshiku do khata da mtxima wa wumbidi, ka dilembe da wumbidi da kuhuma kwawe ngu ditikoni ka Egipta, a txi khene:

Eksodha 40:6

U na veka txiluvelo txa mhamba yo hiswa ngu masoni ka txike txa nyumba yo sawuleka ya ditenda da msengeletano.

Eksodha 36:18

Kumahilwe kambe mtxhanu wa magumi a sihariketo sa koporo kasi kumananisa tinguwo, ati to ku txi va i di tximaha tximwetxo.

Eksodha 35:11

Nyumba yo sawuleka, ni ditenda da kona, sitshulelo sa kona, masinda a kona, mapulango a kona, sipambiyeto sa kona, tiphande ta kona ni sihiketelo sa kona;

Eksodha 30:36

u na kuya di txi maha lifenyenye u txi di veka masoni ka ditenda da msengeletano, ahale ni no ya manana kona ni nawe. Txingema txiya, kwanu, txi na va i di txingema txo sawuleka ngutu.

Eksodha 27:21

Amu ka ditenda da msengeletano, ngu hahanze ka m'jiyo, awu wu fenengetako wufakazi, Aroni ni vanana vakwe va na thela mtona wuwa amu ka malambu, kasiku me tura kukhukhela ni minova kala ditxitxa, me woninga masoni ka Mkoma. Awuwa mthetho wu na vaho ka vanana va ka Israyeli ni ka situkulwana sawe sotshe.”

Eksodha 26:7

U na maha mijiyo ngu matoya a tiphongo, kasi kumaha txifenengeto txitimwi ka ditenda; digumi da mijiyo ni wumwewo u na va u txi maha.

Eksodha 26:1

Se ditenda u na di maha ngu digumi da mijiyo ya linyu yo hehuka yo lukwa, ni nguwo ya mkuxe, ni ya txiwunguwungu ni yo bhilivila; u na yi maha yi di ni sifananiso sa makerubhima, o tshuriselwa.

Eksodha 19:1

Ka ditshiku do khata amu ka mtxima wa wuraru, msana ka kuva va di humile ditikoni ka Egipta, ka ditshiku donedo, vanana va ka Israyeli va to hoka txiwulani, mmangoni ka Sinayi.

Eksodha 40:1

Mkoma a wombile ka Mosi a txi khene:

Mitengo 9:1

Se Mkoma a to womba ka Mosi amu txiwulani ka Sinayi, ngu mtxima wo khata ka dilembe da wumbidi, msana ka kuva va di humile ngu Egipta, a txi khene:

Mitengo 9:15

Se ka ditshiku di va nga gwita kugwimba ditenda da msengeletano, direfu da Mkoma di to fenengeta nyumba ya kona, se kukhukhela ni minova, ku txi woneka txo nga mndilo wo tura txitimwi ka nyumba, kala ni mixo.

1 Makronika 17:5

nguko kha ni khali kuzumba ka nyumba ni ya yimweyo, kukhukhela ditshiku dile ni nga humisa va ka Israyeli kala ka ditshiku da nyamsi; kambe ni tsimbila ngu ka ditenda ni ditenda, ni ka makhalo o sawuleka.

2 Makronika 29:3

Ka mtxima wo khata ka dilembe do khata da kufuma kwakwe, Ezekhiya a to tula matimba a Nyumba ya Mkoma, e ma longisa.

Ezekhiyele 40:1

Ka dilembe da wu magumi mambidi ni mtxhanu da wukhumbi wathu, kukhatani ka dilembe, ka ditshiku da wugumi da mtxima, msana ka digumi da malembe ni mune ku di khundumusilwe didhoropa, ka dona ditshiku dile dipune, di tile txitimwi kwangu dianza da Mkoma di ta ni yisa Jesrusalema.

Ezekhiyele 45:18

Mkoma Txizimu a khene: Ka mtxima wo khata, ngu ditshiku do khata ka mtxima, u na teka dirole da kwa mbi na txibawa, u txi sawulekisa nyumba yo sawuleka.