Eksodha 40:18 - Bhiblia Yo Sawuleka

¹⁸ Mosi a to emisa ditenda do sawuleka, a txi veka siparako sa kona, a txi emisa mapulango a kona, a txi wuleta timbalelo, e zima tiphande;

Eksodha 40:18 Referans Kwoze

Mtuletelo 21:3

Se ni engisile kambe dimwani dipswi da hombe di nga pfala di txi khukhela ka txikhalo txa wukoma, di txi kha dona: “Ndide ditenda da Txizimu di ku hagari ka vathu! Txona txi na aka hagari kwawe, vona va na va i di vathu va txona; se txona Txizimu txipune txi na va txi di navo, txi maha Txizimu txawe.

1 Pedro 1:5

anu mi vhikelwako ngu mtamo wa Txizimu, ni likholo la kuhanyiswa kuwa hi ku hafuhi ni ku kuwona ka masiku o gwitisa.

1 Timoti 3:15

kasiku ngako ni txi thuka ni txi swela, u na ziva ti u fanelako kuhanyisa tona nyumbani ka Txizimu, i ku Dibanza da Txizimu txi txi hanyako: Ngu dona i ku phande ya hombe ni txihiketo txa ditshuri.

Vagalatiya 4:4

Mbimo yi txi nga hoka txikhati txa kona, Txizimu txi rumete Mwanana wa txona, a nga velekwa ngu wamsikati, a nga tumela kufumwa ngu Mlayo,

Matewu 16:18

Ngu toneto, nani na kugela, ni khani: Awe u Pedro, se txitimwi ka dirigwi diya, ni na aka Dibanza dangu, ani mtamo wa lifo kha wu na mbi di xula.

Isaya 33:24

Se muaki ni wammweyo kha na mbi khene: Na lwala; nguko vathu va va no zumba ka dona, va na divalelwa ka wubihi wawe.

Levhi 26:11

Ni na aka nyumba yangu hagari kwanu, ni moya wangu kha wu na mbi hambana ni nanu.

Eksodha 40:2

“Ka ditshiku do khata da mtxima wo khata, u na aka nyumba ya ditenda da msengeletano.

Johani 1:14

Dipswi di ti mahile m'thu, e aka hagari kwathu; hi wu woni wudhumo wakwe, wudhumo wu Tate a nga ninga Mwanana wakwe wa Mmweyo ekha, wo tala ngu makatekwa ni ditshuri.

Eksodha 40:17

Ka ditshiku do khata ka mtxima wo khata ka dilembe da wumbidi, di to emiswa ditenda do sawuleka;

Eksodha 40:19

a to tshulela ngu ditenda da txitshulelo e sanzeka txifenengeto txitimwi ka kona, madingano ni ti Mkoma a nga mrumisa tona.

2 Samuwele 7:6

Nguko kha ni khali kuzumba ka nyumba ni ya yimweyo, kukhukhela ditshiku dile ni nga humisa ngu dona vanana va ka Israyeli Egipta kala ka ditshiku da nyamsi; kambe ni zumbile amu ka matenda ni mu ka midhuti.