Eksodha 40:10 - Bhiblia Yo Sawuleka

¹⁰ U na tota txiluvelo txa mhamba yo hiswa ni sotshe simaha sa txona, u na sawulekisa txiluvelo, se txona txi na maneka txi di sawulekile ngutu.

Eksodha 40:10 Referans Kwoze

Luka 1:35

Se ngelozi yi to mu angula tiya: “Moya wo Sawuleka wu na txhika txitimwi kwako, se mtamo wa Nyatxitimwi wu na kufenengeta ngu mtsudi wakwe. Ngu toneto, Msawuleki wu a no velekwa a na dhanwa ku Mwanana wa Txizimu.

Isaya 61:1

Moya wa Mkoma Txizimu, wu txitimwi kwangu, nguko Mkoma a ni totile, kasi kuya txhumayela mahungu amanene ka sisiwana, a ni rumete kuya tirula vale va ku ni kuxaniseka mbiluni, ni kuya nuwela mhaka ya kuthukunyulwa ka va vo sungwa, ni kutulelwa ka vale vo ñolwa;

Vahebheru 7:26

Kha ditshuri, ngene mphaxeli wa hombe wu a hi fanelako: Wa kusawuleka, a si nga ni mnandu, wa kubasa mbilu, wa kuhambana ni vaonhi, wa kuguletwa txitimwi ka tinzuma.

2 Vakorinto 5:21

Kristu kha ziva txionho, kambe Txizimu txi mmahile txionho ngu kota yathu, kasiku athu hi txi maha volulama masoni ka Txizimu ngu kota yakwe.

1 Vakorinto 1:30

Txona ngu txona txi nga hi tshanganisa kumweko ni Jesu Kristu, awule a nga ti maha wutxhari wathu wa kuta ngu ka Txizimu, ni kululama kwathu ni kusawulekiswa kwathu ni kutirulwa kwathu;

Johani 17:19

Se ni sawulekisele vona, ti to ni vona ve sawulekiswa ditshurini.”

Johani 3:34

Awu a nga rumwa ngu Txizimu a womba-womba mapswi a Txizimu, nguko ngu txona txi nga mninga Moya i si nga ngu mpimo.

Isaya 11:2

Se Moya wa Mkoma wu na zumba txitimwi kwakwe Moya wa wuzivi ni wutxhari, Moya wawudhota ni mtamo, Moya wa kualakanya ni kuthava Mkoma.

Levhi 8:11

Se a to xwayela txiluvelo mtxhanu wa sikhati ni simbidi ngu mtona, e tota ngu wona simaha sotshe, mkamba wa kona ni txikazelo txa kona, kasi ku si sawulekisa.

Eksodha 40:11

Sekoko u na tota mkamba ni txipande txa wona, se wu na maneka wu di sawulekile.

Levhi 6:17

So tshumbelwa kha si na mbi bhikwa; thomba yawe ngu yi ni nga va ninga ka miningelo yangu yo hiswa; nzo sawuleka ngutu, kufana ni mningelo wa kudivalelwa ka txionho, ni kufana ni kudivalelwa ka mnandu.

Eksodha 30:29

U na si basisa simaheso kambe si na va so sawuleka; sotshe asile si no si gwesa si na va si txi sawuleka.