Eksodha 4:8 - Bhiblia Yo Sawuleka

⁸ Se Mkoma a ti khene: “Ngu toneto, nga ti va si kholwi ngu ngawe va si engisi dipswi da txikombiso txo khata, vona va na kholwa ngu dipswi da txikombiso txa wumbidi.

Eksodha 4:8 Referans Kwoze

Isaya 28:10

Nguko mlayo txitimwi ka mlayo, mlayo ni mlayo, njileleto txitimwi ka txileleto, njileleto ni txileleto, kudotho hawa, kudotho hale.

Dhewuteronome 32:39

Se konkuwa, wonisisani tito: Ani, ani ngani, kha txi nga ho tximwani txizimu kwangu; ani na daya, kambe na hanyisa. Ani na dayisa, kambe na holisa; kha nga ho a kuhulukako, manzani kwangu.

Jobe 5:18

Nguko txa veka tivandwa, kambe txipune txa sungelela silonda; txa dayisa, aniko manza a txona ma kalamukisa.

2 Vafumeli 5:7

Se mbimo yile a nga gonda dipapilo mfumeli wa ka Israyeli, a to vharula syambalo sakwe, a txi khene: Ina no va Txizimu ani, txo daya ni kuhanyisa, kuza e ni rumela wamwamna wuwa, kuva ni m'hanyisa ka xokonho kani? Sekoko ti woneni, na mi kombela, a lava wurindi wa ku ni lwisa.

Johani 12:37

Hambiko a nga maha sidiwukiso so tala masoni kwawe, kha va kholwa kwakwe,

Eksodha 4:7

Mkoma a m'gete a txi khene: “Engeta u txi veka dianza dako hakhana.” Ene a to engeta a txi di veka kambe dianza dakwe hakhana, se mbimo yi a ngadi thavisa, di to tshumela di txi fana kambe ni mmidi wakwe wotshe, mmidi wa nyama yakwe.

Eksodha 4:9

Ngako va si kholwi ngu ka sikombiso soneso sa simbidi, va si engisi dipswi dako, u na ya reka mati a mnamboni u txi ma thela ha mafuni ko oma; se mati awa u no ma reka mnamboni ma na hinduka ma txi maha mnoha txitimwi ka mafu a kuoma.”

Eksodha 4:28

Mosi a to xawutela ka Aroni ni totshe ti Mkoma a nga mruma ku ti maha kumweko ni sixamaliso sa hombe asi a nga mruma ku si mahetela.

Valamuli 6:17

Se Gidhiyoni a to m'gela a txi kha ene: Ngako ni di mani dithomo masoni kwako ni mahele txikombiso, kasiku ni txi tiziva ti to ngawe u wombawombako ni nani.