Eksodha 4:31 - Bhiblia Yo Sawuleka

³¹ Se athu va to kholwa; se kambe va tsakile ngu kuziva ti to Mkoma a alakanyile vanana vakwe va ka Israyeli, ngu kuwona ti vona va xanisekisako tona. Va to khizama va txi khozela Mkoma.

Eksodha 4:31 Referans Kwoze

Eksodha 3:18

Se vona va na engisa dipswi dako; u na tsula awe ni madhota a ka Israyeli ka Faro, mfumeli wa Egipta, u txi ya m'gela tiya: Mkoma, Txizimu txa Vahebheru, a tile kwathu. Konkuwa hi leke hi txi teka dipfhumba da masiku mararu hi txi tsula txiwulani, kasi hi txi ya phaxa ka Mkoma Txizimu txathu.

Luka 8:13

Ava va ku ha marigwini, ngu va va nga engisa dipswi, ve di amukela ngu kutsaka, kambe ve pwata mikoloti, va txi tumela ngu mbimoanyana; se ngu mbimo ya txiduko, va rereka.

Eksodha 12:27

Sekoko mi na khanu: Awuwa mphaxo wa Pasika ya Mkoma awu a nga pinda ngu masoni ka tinyumba ta vanana va ka Israyeli, mu ditikoni ka Egipta, mbimo yi a nga daya Vaegipta, aniko a hulukisile tinyumba tathu.” Sekoko va ka Israyeli va to ti namisa, va txi khizama, va txi khongela.

Eksodha 3:16

Tsula u txi ya tshanganisa madhota a ka Israyeli, u txi va gela tiya: Mkoma, Txizimu txa vatate vanu, Txizimu txa Abrahamu, Txizimu txa Isaake, ni Txizimu txa Jakobe, a wonekile kwangu, a txi ni gela tiya: Ngu ditshuri ni mi endete, ni woni ti mi mahwako kona Egipta.

Eksodha 2:25

Se Txizimu txi woni wukhumbi wa vanana va ka Israyeli, Txizimu txi to va pfela wusiwana.

Genesisi 24:26

Sekoko wamwamna a to khizama a txi khozela Mkoma, Txizimu,

1 Makronika 29:20

Sekoko Dhavhidha a to khene ka wotshe msengeletano: Konkuwa, dhumisani Mkoma Txizimu txanu. Sekoko wotshe msengeletano wu to dhumisa Mkoma, Txizimu txa vatate vawe; va to khizama masoni ka Mkoma ni masoni ka mfumeli.

Eksodha 3:7

Se Mkoma a to khene: “Ni woni kuxupheka ka ngamu yangu, ayi yi ku ditikoni ka Egipta, ni engisile kudila kwawe ngu mhaka ya vaxuphi vawe; nguko ani na ziva kupandiseka kwawe.

Luka 1:68

“A na dhumiswe Mkoma, Txizimu txa Israyeli, nguko a endete vathu vakwe, a txi va tirula.

2 Makronika 20:18

Sekoko Josafati a to nama e gwesa hahatshi ngu khohe, ni votshe va ka Judha ni vaaki va Jerusalema va to khizama masoni ka Mkoma ve mu khozela.

Genesisi 17:3

Sekoko Abramu a to wa hahatshi ngu mbanza; Txizimu txi to womba kwakwe txi txi kha txona:

Genesisi 29:32

Leya a to mana txirumbu e veleka mwanana wa mfana, awu a nga mraya ditina daku i Rubheni, nguko, ene a wombile ku khene: “Txizimu txi woni kupandiseka kwangu. Konkuwa, mwamna wangu a na ni randa.”

Genesisi 50:24

Ngu kugwita, Josefa a wombile ka vanawe, a txi khene: Ani na fa, aniko Txizimu txi na mi endela txi hulukisa mi khukha ka diya ditiko, txi mi yisa ka ditiko di txona Txizimu txi nga thembisa, ngu txixambanyo ka Abrahamu, ka Isaake ni ka Jakobe.

Eksodha 4:5

“Kasi kuve kholwa taku a wonekile kwako Mkoma, Txizimu txa vatate vako, Txizimu txa Abrahamu, Txizimu txa Isaake, ni Txizimu txa Jakobe.”

Eksodha 14:31

Mbimo yi vanana va ka Israyeli va nga wona txitsayiso txa hombe txi Txizimu txi nga txi maha ka Vaegipta, va to thava Mkoma, ve kholwa kwakwe ni ka Mosi txithumi txakwe.

Eksodha 19:8

Sekoko votshe vathu va to xamula, va txi kha vona: “Totshe ti Mkoma a nga ti womba, hi na ti maha.” Se Mosi a to ma txhamusela ka Mkoma mapswi a vathu votshe.

Eksodha 19:9

Se Mkoma a to ni gela ku khene: “Wona taku ani ni nata kwako ngu mu ka direfu do phumela, kasi ku vathu va txi ni engisa ni txi womba-womba ni nawe, kasiku kambe va txi kholwa ngu ha ku si gwitiko.” Aha Mosi a nga txhamusela ka Mkoma mapswi a vathu votshe,

Eksodha 34:8

Se koneko Mosi a to kuluveta a txi ti wisa hahatshi e khozela,

Rute 1:6

Sekoko, ene a to khukha ditikoni ka Mowabhi ni vamane vakwe, nguko a ti engisile a di ditikoni ka Mowabhi, ati to Mkoma a endete vathu vakwe ngu kuvaninga sakudya.

Nehemiya 8:6

Se Ezra a to dhumisa Mkoma, Txizimu txa hombe; vathu votshe va to xamula va txi “Amen! Amen!” Na va txi guleta mawoko; se va to khizama ve khozela Mkoma, va di namisile tikhohe hahatshi.

Zefaniya 2:7

Mabambe mule ku na lumba miboti ya nyumba ya ka Judha, kuva va txi dyisela kona sifuyo; ni minova va na ya otela tinyumbani ka va ka Axikaloni, nguko Mkoma, Txizimu txawe, a na va endela, kambe a na va tshumetela tikhumbi tawe.

Eksodha 33:10

Se mbimo yile vathu va nga txi wona phande ya direfu yi txi ta ema ha txikeni ka ditenda, mmwani ni mmwani a txo khizama a di ha txikeni ka ditenda dakwe.

2 Makronika 7:3

Se votshe vanana va ka Israyeli, mbimo yi va nga wona ti to mndilo ni wudhumo wa Mkoma sa txhika txitimwi ka nyumba, va to khizama ve namisa tikhohe tawe ti gwesa mafu, ve khozela ni kudhumisa Mkoma, nguko mbwa mnene, ni lirando lakwe li na zumba ngu ha ku si gwitiko.

2 Makronika 32:8

Ene ani diwoko da nyama, kasi athu hi ni Mkoma Txizimu txathu, awu a hi vhunetelako kulwa tiyimbi tathu. Vathu va to tsaniswa ngu mapswi a Ezekhiya, mfumeli wa va ka Judha.

Jobe 1:20

Sekoko Jobe a to khukha, e vharulela syambalo sakwe, e yola msungo wakwe, e ti wisa hahatshi, e khongela.