Eksodha 4:23 - Bhiblia Yo Sawuleka

²³ Ani ni kugete ti to khani: Leka mwanana wangu wa matiwula a txi tsula, kasiku a txi ya ni thumela! Aniko ngako u txi lamba ku mleka a txi tsula, ani ni na daya mwanana wako wa matiwula.

Eksodha 4:23 Referans Kwoze

Eksodha 12:29

Hagari ka wusiku, Mkoma a to peka ngu lifo otshe matiwula mu tinyumbani, ka dotshe ditiko da Egipta, kukhukhela ka mwanana wa Faro, awu a nga ti ni fanelo yo khalahatsha ka txikhalo txakwe txa wukoma, kala ka matiwula a mwanana wa khumbi, yi yi nga ti mkorani, ni matiwula otshe a sihari.

Eksodha 11:5

Votshe vanana va matiwula vo velekwa ditikoni ka Egipta va na fa, kukhukhela ka matiwula a Faro, awu a nga ti ni fanelo yo khalahatsha ha txikhaloni kwakwe ka wukoma, kala ka matiwula a txithumi txakwe atxi txi thumako ha txigayoni, hambi ni matiwula a sihari sakwe so fuya si na fa.

Masalmo 135:8

Ngene a nga dayela matiwula a Vaegipta kukhukhela ka matiwula a vathu, kala ka matiwula a sihari;

Masalmo 105:36

Txi tsayisile ngu lifo vanana va matiwula vanana vo khata, ka totshe timwaya ta Vaegipta.

Masalmo 78:51

Txi mahile ti to va txi fa vanana va matiwula va Egipta, matiwula a nyumba ni nyumba ya ka Hamu ma txi fa.

Eksodha 7:16

Awe u na ya m'gela ku khawe: “Mkoma Txizimu txa Vahebheru, a ni rumile kwako, a khene: Leka vathu vangu va txi huma, kasiku va txi ya ni khozela txiwulani. Nguko kala ni kuwa awe khu lavi ku ni engisa.

Eksodha 5:1

Ngu msana ka totshe Mosi ni Aroni va to tsula va txi ya wonana ni Faro, va txi ya kha vona: “Mkoma, Txizimu txa ka Israyeli, a womba tiya: Leka vathu vangu ve tsula, kasiku va txi ya ni mahela m'buso txiwulani.”

Eksodha 6:11

“Tsula u txi ya gela Faro, mfumeli wa Egipta, ti to e va leka vanana va ka Israyeli va txi huma ditikoni kwakwe.”

Eksodha 8:1

Msana keto, Mkoma a to khene ka Mosi: Tsula ka Faro u txi ya m'gela tiya: “Mkoma a khene: Leka vathu vangu va txi tsula, kasi va txi ya ni khozela.”

Eksodha 8:20

Mkoma a wombile ka Mosi, a txi khene: Khukha ni mixo u txi ya ema masoni ka Faro; nguko ene a na huma a txi ya matini ka mnambo, u txi ya m'gela tiya: “Mkoma a khene: Leka vathu vangu va txi tsula, veya ni khozela.

Eksodha 9:1

Msana keto, Mkoma a to khene ka Mosi: Tsula ka Faro, u txi ya m'gela tiya: Ngu tiya a wombako Mkoma, Txizimu txa Vahebheru: Leka vathu vangu va txi tsula, kasi va txi ya ni khozela.

Eksodha 9:13

Sekoko Mkoma a to khene ka Mosi: Wuka ni mixo uya ka Faro. U na ya m'gela tiya: Mkoma, Txizimu txa Vahebheru, a khene: “Leka vathu vangu va txi tsula kasiku va txi ya ni khozela.”

Eksodha 10:3

Se Mosi ni Aroni, va yite kambe ka Faro, va txi ya m'gela tiya: “Mkoma, Txizimu txa Vahebheru, a khene: U na gwita mbimo muni kukaneta u si ti veki hahatshi masoni kwangu kani? Leka vathu vangu ve huma, kasi va txi ya ni khozela.

Eksodha 18:8

Se Mosi a to xawutela ka tate wakwe ngu ka msikati wakwe, totshe ti Mkoma a nga ti maha ka Faro ni ka Vaegipta, ngu mhaka ya va ka Israyeli, kumweko ni sotshe sikarato si va nga si mana dipfhumbani kwawe, asi ene Mkoma a nga va hulukisa ka sona.

Masalmo 136:10

Awule a nga dayela matiwula a Vaegipta; nguko lirando lakwe nda kala kupinduka!

Hoseya 11:1

Mbimo yile Israyeli i nga ti ti mfana, ani ni mrandile; se ni dhani mwanana wangu e huma ngu Egipta.

Eksodha 3:18

Se vona va na engisa dipswi dako; u na tsula awe ni madhota a ka Israyeli ka Faro, mfumeli wa Egipta, u txi ya m'gela tiya: Mkoma, Txizimu txa Vahebheru, a tile kwathu. Konkuwa hi leke hi txi teka dipfhumba da masiku mararu hi txi tsula txiwulani, kasi hi txi ya phaxa ka Mkoma Txizimu txathu.

Eksodha 8:16

Mkoma a wombile ka Mosi a txi khene: Gela Aroni u txi khawe: “Guleta ndonga yako u txi peka lithulu la mafu, ku na maneka tithwala ditikoni kotshe ka Egipta.”

Eksodha 8:17

Aroni a to guleta dianza dakwe ni ndonga yakwe a txi peka lithulu la mafu, se ku to maneka tithwala ka vathu ni ka sihari. Ni lotshe lithulu la mafu li to txitxeka li txi maha tithwala mu ditikoni kotshe ka Egipta.

Eksodha 9:2

Nguko u txi lamba ku va leka va txi tsula, u txi va ñola ngu mbimo ya hombe,

Eksodha 10:4

Ngako u txi simama u lamba, u si leki vathu vangu ve huma, wona taku mangwana ni na tisa humbi kotshe ditikoni kwako.

Eksodha 13:15

Nguko, ngako Faro a di bangisile mbilu yakwe, asi hi leki hi txi huma, Mkoma a date otshe matiwula a ditikoni ka Egipta, kukhukhela ka matiwula a vathu kala ka matiwula a sihari. Ngu toneto, hi phaxako ka Mkoma ngu matiwula otshe a txiwamna, aniko ha wukhaloni ka vanana vathu va txiwamna hi phaxa ngu sifuyo.