Eksodha 4:21 - Bhiblia Yo Sawuleka

²¹ Se Mkoma a to khene ka Mosi: “Ngako u txi tshumela uya ditikoni ka Egipta, alakanya kuya maha ka Faro sotshe sixamaliso si ni nga si veka manzani kwako; aniko ani ni na bangisa mbilu yakwe ti to asi leki vathu ve huma ve tsula.”

Eksodha 4:21 Referans Kwoze

Varoma 9:18

Ngu toneto, Txizimu txi mahela wumbilu awule txi ti lavako ku mmahela, txi bangisa mbilu ya wule txona txi ti lavako ku m'bangisa.

Isaya 63:17

Ngu kutxani, awe Mkoma u hi mahako hi hambuka ka tinzila tako kani? U bangisela txani timbilu tathu kuva hi si ku thavi kani? Wuyisa tihunzu ta thomba yako, ngu kuranda sithumi sako.

Joxuwa 11:20

Nguko Mkoma ngene a nga bangisa timbilu ta vathu vale, ti to ve huma va txi yalwa ni Israyeli, kasi ku a txi va lovisa do gwita, asi va tsetsi, aniko e va lovisa votshe, nga tile Mkoma a nga leleta ka Mosi.

Johani 12:40

“A phumisile maso awe e bangisa timbilu tawe, kasiku va si woni ngu maso, ni ku va si pimi ngu timbilu tawe, kufela ku va si hunduluki, nani ni si va hanyisi.”

Eksodha 14:8

Mkoma a to bangisa mbilu ya Faro, mfumeli wa Egipta, se ene a to londeta vanana va ka Israyeli, mbimo yi vona va nga ti huma ngu diwoko da wundena.

Eksodha 9:35

Ngu kumaha keto, mbilu ya Faro yi to engeta kambe yi banga, kambe kha leka vanana va ka Israyeli va txi tsula, nga ti Mkoma a nga ti wombile ngu txisofu txa Mosi.

Eksodha 9:12

Kambe Mkoma a bangisile mbilu ya Faro, se ene kha nga va engisa, nga ti Mkoma a nga ti wombisile tona ka Mosi.

Eksodha 7:13

Hambi ti di ngeto, mbilu ya Faro yi manekile yi txi banga ngutu, asi tumeli ku va engisa, nga ti Mkoma a nga ti va gelisile tona.

Eksodha 3:20

Ngu mhaka yeto, ni na nawuluta dianza ni txi peka ngu dona ditiko da Egipta, ngu sixamaliso sotshe ni no si maha kwawe; msana ka toneto ngu kona ene a no mi leka mi txi tsula.

Eksodha 10:20

Kambe Mkoma a to bangisa mbilu ya Faro, aha ko kha sikota kuleka vanana va ka Israyeli ve tsula.

Eksodha 7:3

Aniko ani koko, ni na bangisa mbilu ya Faro, kambe ni na andisa mu ditikoni ka Egipta sikombiso sangu ni sidiwukiso sangu.

Isaya 6:10

Bangisa timbilu ta vathu vava, u tsiva tinzeve tawe, vhala maso awe; kasi ku va si woni ngu maso awe, va si engisi ngu tinzeve tawe, va si pimisi ngu timbilu tawe, va nga thuka ve hunduluka, ve mana kuhanyiswa.

Eksodha 14:4

Ani ni na maha ti to Faro a txi bangisa mbilu yakwe, se ene a na mi tutumela, kambe ani ni na komba mtamo wangu ni txi m'wukela ene kumweko ni dibutho dakwe da yimbi: Vaegipta va na tiziva ti to ani ngani Mkoma.” Se va ka Israyeli va to maha toneto.

1 Pedro 2:8

Dirigwi diya di na va humba ni ku va wisa, va na humbwa ngu dona, nguko kha va kholwa ka Evhangeli, i ku ti va nga sikeliswa tona.

2 Vakorinto 2:16

Ka vale va lovako, ngu bhumula ko biha ku ku dayako; aniko, ka vale va hanyiswako, ngu bhumula ka kunene ku ningako wutomi. Se, i mani a fanelwako ngu mthumo wo ngeto kani?

Varoma 1:28

Se aku va nga mbi lava kuziva txilo ngu didhawa da Txizimu, txona Txizimu txi va ningete ka mialakanyo yawe yo mbi vhuna txilo, veza ve maha ti ti si lavekiko.

Masalmo 105:25

Txi mahile ti to Vaegipta ve venga vathu va txona ve fumela ngu tshofu vathumi va txona.

1 Vafumeli 22:22

Se moya wule wu to kha wona ni na huma ni maneka ni di moya wa makuhu, ngu sisofu sa votshe vaprofeti vako. Se Mkoma a to khene: Awe u na ya mxenga kambe u na ya zumba; huma u txi ya maha tona eto.

Dhewuteronome 2:36

Kukhukhela Aroweri, ku ku mabambe ka mlonga wa Arnoni, ni didhoropa di di ku hagari ka mkova kala Gileyadhi, kuwalo didhoropa di athu hi nga mbi wulela ka dona; Mkoma, Txizimu txathu, a hi ningile otshe madhoropa masoni kwathu.

Genesisi 6:3

Sekoko, Mkoma a to khene: “Moya wangu kha wu na mbi zumba yotshe mbimo ka m'thu, nguko m'thu i nyama, ni masiku akwe kha ma na mbi pinda 120 wa malembe.”

Eksodha 8:32

Aniko, hambi ni ka txiya txikhati, Faro a to bangisa mbilu yakwe, kha leka vathu va txi tsula.

Eksodha 10:1

Msana keto, Mkoma a to khene ka Mosi: “Tsula ka Faro, nguko ni bangisile kambe mbilu yakwe, ni timbilu ta mahalamu akwe, kasi kumaha sikombiso sangu hagari kwawe.

Eksodha 10:27

Kambe Mkoma Txizimu txi bangisile kambe mbilu ya Faro, aha ko ene kha tumela ku va leka va txi tsula.

Eksodha 11:9

Mkoma a to womba ka Mosi a txi khene: “Faro kha na mbi mi engisa, kasiku sidiwukiso sangu si txi anda ditikoni ka Egipta.”

Eksodha 11:10

Mosi ni Aroni va mahetete sidiwukiso sotshe masoni ka Faro. Aniko Mkoma a bangisile mbilu ya Faro, e va lambela kuleka vanana va ka Israyeli va txi tsula, va txi huma ditikoni kwakwe.

Masalmo 78:43

mbimo yi Txizimu txi nga komba mtamo wa txona ditikoni ka Egipta, txi txi mahetela sidiwukiso so thisa sa mtamo ditikoni ka Zowani;

Eksodha 3:19

Ani na tiziva ti to Faro, mfumeli wa Egipta, kha na mbi mi leka mi txi tsula, hahanze ko kurumetwa ngu dianza da mtamo.

Eksodha 8:11

“Makhele ma na thava kwako, ni mu nyumbani kwako, ni ka mahalamu ako, ni ka vathu vako votshe; ma txi maneka mnamboni ka Nilo dwe.”

Eksodha 8:15

Aniko Faro mbimo yi a nga wona ti to i txhukwana, mbilu yakwe yi to banga. Ngu mhaka yeto, kha nga va engisa, nga ti Mkoma a nga ti wombile.

Eksodha 14:17

Ani ni na bangisa timbilu ta Vaegipta kasiku va txi mi londeta, kambe ni na dhumiswa ka Faro ni ka yimbi yakwe yotshe, ka sikotxikani sakwe ni ka vagadhi vakwe va mahantxhi.