Eksodha 4:18 - Bhiblia Yo Sawuleka

¹⁸ Sekoko Mosi a to khukha a txi ya ka Jetro msade wakwe, a txi ya m'gela tiya: “Na kombela u txi ni leka ni tsula ditikoni ka Egipta, kasi kuya wona vanathu, mwendo va ngadi va txi hanya.” Jetro a mxamute a txi khene: “Tsula ngu kuthutha.”

Eksodha 4:18 Referans Kwoze

Eksodha 3:1

Mosi a ti ti dyisa mtxhambi wa tinvuta ta Jetro, msade wakwe, mphaxeli wa Midhiyani. A to gola mtxhambi wa tinvuta e ti yisa txiwulani, aha a nga ya hoka Horebhi mmangoni ka Txizimu.

1 Timoti 6:1

Votshe va va ku hahatshi ka dikange da wukhumbi va na wone vanyamne vawe nga vathu va va fanelako kuvekelwa txithavo, kasiku ditina da Txizimu ni gondo ya txona si si solwi.

Mithumo 16:36

Muwoneleti wa mkora a to zivisa Paulo mhaka yiya, a txi khene: “Vanyamne va rumete ku mi thusa, humani konkuwa mi tsula ngu kudikha.”

Mithumo 15:36

Ngako ku di pindile masiku okari, Paulo a to gela Bharnabhasi, a txi khene: “He tshumele hi ya xola vanathu kotshe madhoropani mu hi nga nuwela dipswi da Mkoma, kasi kuwona ati va hanyisako tona.”

Luka 7:50

Aniko ene a to gela wu wamsikati, a txi khene: “Likholo lako li ku hanyisile; tsula ngu kudikha.”

1 Samuwele 1:17

Sekoko Eli a to xamula, a txi khene: “Tsula ngu kuthutha, Txizimu txa Israyeli txi na ku ninge si u si kombelako.”

Genesisi 45:3

Se Josefa a ti khene ka vanawe: “Ani ngani Josefa. Tate wangu a ngadi a txi hanya kani?” Aniko vanawe kha va sikota ni kuxamula, nguko va ti dhukile ngutu masoni kwakwe.

Eksodha 2:21

Mosi a to tumela kuzumba m'tini ka Jetro, awu a nga ninga Mosi, Zipora, mwanana wakwe wa dihorana kasiku e tekana nayo.

2 Vafumeli 5:19

Se Elixa a ti khene kwakwe: Tsula ngu kuthutha. Se a to tsimbila e hoka ka mnava wa kule nyana.

Valamuli 18:6

Se mphaxeli a to va xamula a txi khene: “Tsulani ngu kudikha; nguko nzila yi mi nga yi teka yi masoni ka Mkoma.”

2 Vafumeli 5:10

Sekoko Elixa a to rumisa mtumi kuya gela Nahanani to khene: Tsula Jordhani u ya samba mtxhanu wa sikhati ni simbidi, se nyama yako yi na thunga, u na kalamuka.