Eksodha 4:12 - Bhiblia Yo Sawuleka

¹² Ngu toneto, tsula, konkuwa, ani ni na va ni nawe txisofuni kwako, kambe ni na kukomba ati u no bwabwata.”

Eksodha 4:12 Referans Kwoze

Jeremiya 1:9

Se Mkoma a to nawuluta dianza, e gwesa txisofu txangu, a txi khene kwangu Mkoma: “Wona taku na veka mapswi angu txisofuni kwako.

Marku 13:11

Ngako va txi mi ndinda va txi mi yisa kulamulwani mi nga thukeni mi vilela ngu ti mi no ya ti womba, aniko wombani ati mi no ningwa ka yoneyo mbimo, nguko hi nga anu mi no womba-womba, aniko i Moya wo Sawuleka.”

Isaya 50:4

Mkoma Txizimu a ni ningile lidimi lo gondisa, kasi ku ni ziva kuwomba ngu mbimo ya kona, dipswi da dinene ka wule wo karala. Ene wa ni wusa mixo ni mixo, wa ti tula tinzeve kasi ku ni engisa, kufana ni vale va gondako.

Vaefesu 6:19

Nanani ni kombeleleni, kasiku Txizimu txi txi ni tula khana, mbimo yi ni lavako kugondisa, ti to ni sikota kuwombawomba, ni si thavi txilo, ni txi zivisa vathu txikungo txa Evhangeli;

Johani 14:26

Kambe Mthaveleli, i ku Moya wo Sawuleka, awu Tate a no mi rumela ngu ditina dangu, ene a nata mi gondisa sotshe simaha ni ku mi alakanyisa totshe ti ni khalako ku mi gela.”

Luka 11:1

Ku ti ngako Jesu a txi khongela ka wukhalo wokari, txikhati txi a nga gwita, mmweyo ka vagondiswa vakwe a to mkombela a txi khene: “Mkoma, hi gondise kukhongela, nga Johani nene a nga gondisa vagondiswa vakwe.”

Isaya 49:2

Txisofu txangu a txi mahile txi fanana ni ditxhari do hinda, se a ni fenengetile ngu mtsudi wa dianza dakwe e ni maha lingove lo khetima, e ni sisa amu ka msava wakwe.

Masalmo 143:10

Ni gondise kumaha kuranda kwako; nguko awe ngawe Txizimu txangu. Moya wako wa wunene wu na ni tsimbitise ka nzila yo lulama!

Masalmo 32:9

U nga ti mahe ku nga dihantxhi mwendo ku nga mbongola, asi si ku si nga ni mapimo, asi si lavako dijoke ni matomu, kasiku u sikota ku si ñola ngu hafuhi.”

Eksodha 3:12

Txizimu txi ti kha txona: Ngu ditshuri ani ni na va ni nawe; ngu txiya txikombiso txi no komba ti to ani ni kurumile: Ngako u di humisile vathu vangu ngu Egipta, anu mi nata khozela Txizimu ka mmango wuwa.

Eksodha 4:13

Ti di ngeto, Mosi a xamute a txi khene: “Ahim-him! Mkoma! Ruma mmwani a txi ya maha mthumo ewo.”

Eksodha 4:15

Awe u na womba-womba nayo, u txi m'vekela txisofuni kwakwe mapswi awa. Ani ni na va txisofuni kwako ni txisofuni kwakwe, ni txi mi kombisa ati mi fanelako ku ti maha.

Eksodha 4:16

Ene a na kutshunda womba-womba ka vathu wukhaloni kwako; a na va txisofu txako, se awe u na va Txizimu kwakwe.

Mitengo 16:28

Sekoko Mosi a to khene: Konkuwa, mi na tiziva ti to Mkoma ngene a nga ni ruma kumaha totshe tiya, kambe totshe tiya kha ti humi ngu mbiluni kwangu.

Dhewuteronome 18:18

Wona taku ni na va tumbulukisela mprofeti wo nga awe, hagari ka vanawe. Ni na veka mapswi angu txisofuni kwakwe, se ene a na va gela totshe ti ni no m'leleta tona.

Masalmo 105:26

Se Txizimu txi to ruma txithumi txa txona Mosi ka Aroni, awu txi nga msawula.