Eksodha 4:11 - Bhiblia Yo Sawuleka

¹¹ Se Mkoma a to mxamula a txi khene: “I mani a nga va nga txisofu txa m'thu kani? Mwendo i mani a nga maha txiduma mwendo diphanzeve, awule a wonako ni wule i ku dibhofu kani? Ina hi nga ani Mkoma kani?

Eksodha 4:11 Referans Kwoze

Amosi 3:6

Ina ku nga pekwa mpundu didhoropani vathu va si dhudhumeli ngu kuthava kani? Ina ku nga humelela wubihi didhoropani, na wu sa mahwa ngu Mkoma kani?

Masalmo 146:8

Mkoma wa tula maso a mabhofu; Mkoma wa wusa vale va thidhelako Mkoma wa randa vo lulama.

Isaya 6:7

Se ngu dona di to gwesa txisofu txangu, di txi kha dona: Wona, dikala diya di gwesile txisofu txako; se wubihi wako wu thavisilwe, ni kuonha kwako ku divaletwe.

Masalmo 94:9

Txizimu, txi nga maha tinzeve, kha txi na mbi engisa kani? Txona txi nga maha maso, kha txi na mbi wona kani?

Masalmo 51:15

Mkoma, tula txisofu txangu; kasiku ni na sikota kuhuwelela wudhumo wako.

Jeremiya 1:9

Se Mkoma a to nawuluta dianza, e gwesa txisofu txangu, a txi khene kwangu Mkoma: “Wona taku na veka mapswi angu txisofuni kwako.

Jeremiya 1:6

Sekoko ani ni ti khani: “Oho! Mkoma Txizimu! Wona taku kha ni sikoti kuwombawomba; nguko ni mwanana!”

Ezekhiyele 33:22

Wona, dianza da Mkoma di ti ti txitimwi kwangu ni minova, asi se ta awule a nga ti hulukile; di to tula txisofu txangu, kala a txi ta hoka kwangu ni mixo; se txisofu txangu txi to tuleka, kha na malala kambe.

Genesisi 18:14

Ina txi ho txo tandeka ka Mkoma kani? Ka dilembe di di tako, ngu yona yiya mbimo, ni na wuya kambe kwako, se Sara a na va a di ni mwanana wa dizambi.

Matewu 11:5

Mabhofu ma wona; sidiya sa tsimbila; vatshekela va basiswa; maphanzeve ma engisa; vakufa va wuswa ve hanya; sisiwana sa txhumayelwa Evhangeli.

Isaya 42:7

kasi kutula maso a mabhofu, kasi kuhumisa vo sungwa kusungwani, ni mkorani avale va ku txidemani.

Luka 1:20

U na zumba u di txiduma, u si sikoti kuwombawomba kala ditshiku di ti no maheka ngu dona totshe tiya, nguko khwa tumela mapswi angu, aawa ma no tatiseka ngu mbimo yi yi lavekako.”

Luka 1:64

Kunukunuko txi to tuleka txisofu txakwe, li txi txhatxheka lidimi lakwe, a txi khata kuwombawomba, a txi dhumisa Txizimu.

Johani 10:21

Vamwani va txi kha vona: “Mapswi awa hi nga a m'thu wu a ku ni didhimoni. Didhimoni ina di nga tula maso a mabhofu kani?”

Genesisi 11:7

A hi txhikeni hi txi ya hambanisa lidimi lawe, kasi ku mmwani asi swi a txi engisa lidimi la mmwani.”

Mavingu 20:12

Nzeve yi yi engisako, ni diso di di wonako, ngu wumbidi wa sona si mahilwe ngu Mkoma.