Eksodha 39:8 - Bhiblia Yo Sawuleka

⁸ Kumahilwe txinguwana txa hakhana, mthumo wo tshuriselwa nga efodhe, ngu nzalama, mxowo wa mkungu, mxowo wa txiwunguwungu, mxowo wo bhilivila, ni linyu yo lukelwa ngu kutshuriselwa.

Eksodha 39:8 Referans Kwoze

Eksodha 28:4

Ngu siya syambalo va no si maha: Txyambalo txa hakhana, efodhe, dibhaji do lapha, dihembe do tshuriselwa ngu kurungelwa, txigoko ni libhande. Va na maha syambalo so katekiswa si txi va sa mwananu Aroni ni sa vanana vakwe, ati to ve thuma mthumo wa wuphaxeli masoni kwangu.

Vaefesu 6:14

Emekani ngu kutsana. Sungani siwunu ngu ditshuri, di txi maha libhande lanu. Ambalani kululama ku txi maha txivhikelo txa khana yanu.

Isaya 59:17

Nguko a ti ambekile kululama, ku nga txikatawu txa simbi, e sanzeka txigoko txa kuhanyisa ha msungo kwakwe, se a to ambala syambalo so ti photela, e fenengela txiluse txi txi nga dijasi.

Masalmo 89:28

Wumbilu wangu ni nene wu na simama kala kupinduka ni txitumelelano txangu txi na tsana yotshe mbimo.

Eksodha 25:7

marigwi a onekisi ni mamwani marigwi kasi ku ta tsanisa efodhe ni nguwo ya hakhana.

Eksodha 26:1

Se ditenda u na di maha ngu digumi da mijiyo ya linyu yo hehuka yo lukwa, ni nguwo ya mkuxe, ni ya txiwunguwungu ni yo bhilivila; u na yi maha yi di ni sifananiso sa makerubhima, o tshuriselwa.

Eksodha 39:9

I ti txa mune wa madhawa o dingana, kambe txi ti mahilwe txi txi petwa; i ti txa mpimo wa dianza dimwedo kulapha ka txona, ni dimwani kuanama, ngako txi di petilwe.