Eksodha 39:32 - Bhiblia Yo Sawuleka

³² Ngu toneto, mthumo wotshe wa kuaka ditenda do sawuleka ni ditenda da msengeletano wu to hoka magwito. Vanana va ka Israyeli va mahile totshe nga tonti Mkoma a nga leletelisa tona ka Mosi.

Eksodha 39:32 Referans Kwoze

Eksodha 25:40

Wonisisa koko, u maha madingano ni zumbelo ya kona nga tona ti u nga kombwa tona mmangoni.

Vahebheru 8:5

Aniko, mthumo wa kukhozela kwakwe njifananiso ni mtsudi wa si si ku nzumani, madingano ni kuleleta ka Txizimu, ku ku nga amukelwa ngu Mosi, kasiku e aka ditenda, nguko a getwe ku: “Kulaveka ku u txi wona, kasiku u maha totshe madingano ni ti u nga geliswa tona mmangoni.”

Vahebheru 3:2

Ene a thembekile ka wu a nga msawula, nga Mosi nene a nga ti thembekile mndani ka yotshe Nyumba ya Txizimu.

Matewu 28:20

mi txi va gondisa kuvekisa totshe tiya ni nga mi leleta tona. Se wonani, ni ni nanu yotshe mbimo, kala kugumani ka mafu.”

1 Makronika 28:19

Totshe tiya, Dhavhidha a to khene: Va to ni ninga ngu mibhalo, ngu kuruma ka Mkoma, i ku tiya, yotshe mithumo ya txikombiso txiya.

1 Samuwele 15:22

Kambe Samuwele a to khene: Ina Mkoma a tsakiswa ngu miningelo ya kuhiswa ni miphaxo, kupinda kuengisa dipswi da Mkoma kani? Wonani taku kuengisa kutshuko kupinda mphaxo; ni kupfisisa kutshuko kupinda mafura a tihamba.

Dhewuteronome 12:32

U na xayisa totshe ti ni no kuruma; u nga engetele txilo, hambi kuhungula.

Mitengo 3:31

Mthumo wawe i ti wo xayisa dibhokiso, ni meza, ni phande ya malambu, ni siluvelo, se ni siya sa wukhalo wo sawuleka so thuma ngu sona, ni m'jiyo, ni sotshe si lumbako mthumo.

Eksodha 40:32

Yotshe mbimo yi va nga ti wulela ditendani ka msengeletano ni mbimo yi va nga ti tshuketa aha ka txiluvelo, va ti ti ni fanelo yo samba, nga tona ti Mkoma a nga leletisa tona ka Mosi.

Eksodha 39:33

Va to tisa ka Mosi ditenda do sawuleka; ditenda da mengeletano ni sotshe simaha sa kona i ku siya: Sihariketo, mapulango, timbalelo, tiphande ni siparako;

Eksodha 39:31

Se va to hariketa ngoti ya mkuxe, ve sunga txitmwi ka mitra, nga ti Mkoma a nga leletisa tona ka Mosi.

Eksodha 12:28

Vanana va ka Israyeli va to khukha va txi tsula va txi ya maha toneto; nga ti Mkoma a nga womba ka Mosi ni ka Aroni, va to maha nga toneto.

Eksodha 31:7

Ditenda da msengeletano, dibhokiso da txitumelelano, txikhalo txa wuxinji txi ku ngu txitimwi ka dona ni ka sotshe simaha sa ditenda;

Eksodha 40:1

Mkoma a wombile ka Mosi a txi khene:

Eksodha 40:3

U na veka ka yona dibhokiso da txitumelelano kambe u na fenengeta ngu nguwo ya m'jiyo.

1 Vafumeli 6:38

Se, ka dilembe da digumi ni dimwedo, ka mtxima wa bhuli, i ku mtxima wa wutxhanu ni yiraru, yi to hetwa nyumba yiya ni sotshe sitanga sa kona ni sotshe si si nga ti laveka; ngu mtxhanu wa malembe ni mambidi.

1 Vafumeli 7:40

Msana keto, Hiramu a to maha sigowolo, ni mafoxola, ni mikamba; se Hiramu a to heta kumahetela yotshe mithumo a nga yi mahela mfumeli Solomoni, ka Nyumba ya Mkoma.