Eksodha 39:30 - Bhiblia Yo Sawuleka

³⁰ Ngu msana kumahilwe txiluva txa nzalama, ka yona kubhatwe ngu kukenyelwa, nga ti va bhalisako tona aha ka phera, va txi kha vona: Kusawule ka masoni Mkoma.

Eksodha 39:30 Referans Kwoze

Mtuletelo 5:10

Ngu vona u mahete Txizimu txathu, mfumo wa vaphaxeli, se vona va na fuma ha mafuni.”

Vahebheru 7:26

Kha ditshuri, ngene mphaxeli wa hombe wu a hi fanelako: Wa kusawuleka, a si nga ni mnandu, wa kubasa mbilu, wa kuhambana ni vaonhi, wa kuguletwa txitimwi ka tinzuma.

Vahebheru 1:3

Ene, ngako i ku liwoningo la wudhumo wa Txizimu, ni txikombiso txa wudhumo wa txona, awu a hiketako sotshe simaha ngu mtamo wa dipswi dakwe, msana ka kuva a di gwitile kukuwula sionho, a ti ya zumba txineneni ka wuhombe wa Nyatxitimwi nzumani

Titosi 2:14

Ene a ti ningete ngu mhaka yathu, kufela ku hi tirula ka wotshe wubihi, kasiku ene e ti basisela ngamu yi yi no va i di yakwe, ayi yi khutalako amu ka mithumo ya yinene.

2 Vakorinto 5:21

Kristu kha ziva txionho, kambe Txizimu txi mmahile txionho ngu kota yathu, kasiku athu hi txi maha volulama masoni ka Txizimu ngu kota yakwe.

1 Vakorinto 1:30

Txona ngu txona txi nga hi tshanganisa kumweko ni Jesu Kristu, awule a nga ti maha wutxhari wathu wa kuta ngu ka Txizimu, ni kululama kwathu ni kusawulekiswa kwathu ni kutirulwa kwathu;

Zakariya 14:20

Ka ditshiku dile, ku na bhalwa ni ka sisimbzana sa mahantxhi taku: Ku Sawulekisetwe Mkoma; se tikhadi Nyumbani ka Mkoma, ti na nga timbiya masoni ka txiluvelo.

Eksodha 26:36

Ha txikeni ka ditenda, u na maha m'jiyo ngu nguwo ya mxowo wa mkuxe, mxowo wa txiwunguwungu, ni wo bhilivila, ngu nguwo ya linyu, yo hehuka, yo lukwa, yo rungiswa kutshuriselwa.

Eksodha 39:29

libhande lo mahwa ngu linyu ya lisima, lo lukwa ngu kutshuriselwa, nga tonti Mkoma a nga leletelisa tona ka Mosi.

Eksodha 39:31

Se va to hariketa ngoti ya mkuxe, ve sunga txitmwi ka mitra, nga ti Mkoma a nga leletisa tona ka Mosi.