Eksodha 39:3 - Bhiblia Yo Sawuleka

³ Nzalama yi to tshulwa yi txi maha tibhande to hehuka, ti bhandiselwa ti txi songa, kasi kukoteka kulukwa ka nguwo yo hehuka ya mkungu, ya txiwunguwungu ni yo bhilivila, ni ka linyu ya lisima, ku txi rungelwa ngu kutshuriselwa ka wutxhari.

Eksodha 39:3 Referans Kwoze

Eksodha 36:8

Ngu toneto, totshe titxhari hagari ka votshe avale va nga ti thuma ha kuakani, va to aka ditenda do sawuleka, ve maha mthumo wa lisima, ngu digumi da tinguwo ta linyu yo tshuriselwa, yi lukelwa nguwo ya mkungu, ni ya txiwunguwungu, ni yo bhilivila, ti di ni mifananiso ya makerubhima o rungelwa ngu kutshuriselwa.

Eksodha 26:1

Se ditenda u na di maha ngu digumi da mijiyo ya linyu yo hehuka yo lukwa, ni nguwo ya mkuxe, ni ya txiwunguwungu ni yo bhilivila; u na yi maha yi di ni sifananiso sa makerubhima, o tshuriselwa.

Eksodha 25:4

nguwo ya mkuxe ni yo bhilivila, nguwo yo bhilivila ngutu, ni yo hehuka ya disilika ni ya matoya a phongo,

Eksodha 39:2

Kumahilwe efodhe ngu nzalama, ni nguwo ya mkungu, ya txiwunguwungu ni yo bhilivila, ni linyu ya lisima yo lukelwa.

Eksodha 39:4

Ku to mahwa singuwana simbidi sa efodhe asi si nga mananiswa si txi vekwa hamakata, asi yi tshanganiswako ngu sona magwito ka yona.

Masalmo 45:13

Mwanana wa muhorana wa mfumeli, ngene i ku wo woneka nyumbani kwako ka wukoma! Syambalo sakwe nza nzalama yo lukelwa!