Eksodha 39:15 - Bhiblia Yo Sawuleka

¹⁵ Kumahilwe kambe, ka txinguwana txa hakhana, tiketani to lukelwa nga tingoti, ta nzalama ya yinene.

Eksodha 39:15 Referans Kwoze

Johani 10:28

Ani na ti ninga wutomi wu wu si gumiko. Txima kha ti na mbi lova ni ditshiku ni da dimwedo, kambe kha ku na m'thu wu a no ti honyola manzani kwangu.

Judha 1:1

Judha, txithumi txa Jesu Kristu, mwanawe Jakobe, ka vale va nga dhanwa, va randekako ka Txizimu Tate, ni kuveketwa ngu Jesu Kristu:

1 Pedro 1:5

anu mi vhikelwako ngu mtamo wa Txizimu, ni likholo la kuhanyiswa kuwa hi ku hafuhi ni ku kuwona ka masiku o gwitisa.

Johani 17:12

Ni di ngadi navo ha mafuni, ni ti va xayisa ditinani kwako. Ni va xayisile ava u nga ni ninga; se kha ku nga ho ni wammweyo a nga lova, i si nga ene mwanana wa kulova, kufela ku Mibhalo yi tatiseka.

Ndando ya Tindando 1:10

Mathama ako ma tsurisetwe ngu siketiketi, ni thamo yako ngu wusekenya.

2 Makronika 3:5

Se mndani ka nyumba ya hombe va ti ti vhate ngu mapulango, ngu txitmwi ka ona ma ti bhamilwe ngu nzalama e hamba sifaniso sa mitxhese ni sa tiketani.

Eksodha 28:14

Ni tiketani timbidi ta nzalama ya yinene, ti na lukelwa ti txi nga tingoti, u txi veka tiketani ti di lukilwe nga toneto ngu sihariketo.

Eksodha 39:14

Marigwi ma mahilwe ngu kulondetelana ka matina a vanana va ka Israyeli, dimwani ni dimwani di ti bhatwe ditina da lixaka limwelo, na ma di bhatwe ngu kukenyelwa, nga ti ku bhaliswako tona ngu txixambanyo, ma txi dingana digumi da tihunzu ni timbidi.

Eksodha 39:16

Kumahilwe kambe sihariketo simbidi sa nzalama ni masinda mambidi a nzalama, otshe masinda a mambidi ma vekilwe ka titshoka ta timbidi ta txinguwana txa hakhana.