Eksodha 39:1 - Bhiblia Yo Sawuleka

¹ Ngu nguwo ya mxowo wa mkuxe, mxowo wa txiwunguwungu, wo bhilivila, kumahilwe syambalo so sawuleka, asi si fanelako kuambalwa ka mbimo ya mthumo wo sawuleka ni syambalo so katekiswa sa mphaxeli Aroni nga ti Mkoma a nga leletelisa tona ka Mosi.

Eksodha 39:1 Referans Kwoze

Eksodha 31:10

syambalo sa wukhongeli, syambalo so sawuleka sa mphaxeli Aroni ni syambalo sa vanana vakwe sa mthumo wa wuphaxeli;

Eksodha 35:23

Votshe vale tinyumbani kwawe va nga ti ni tinguwo ta lisima ta mkungu, nguwo yo bhilivila, ya mtatanga, linyu yo hehuka, matoya a tiphongo, madhowo a tihamba, a penda yo bhilivila, ni madhowo o hehuka, va to si teka va txi si heleketa.

Eksodha 35:19

syambalo sa wukhongeli asile si ambalwako ka mbimo ya mthumo wa wukhongeli, syambalo sa wukhongeli sa mphaxeli Aroni, ni syambalo sa vanana vakwe sa mthumo wa wuphaxeli.”

Vahebheru 9:25

Ene kha wulelela ku ti ningela sikhati so tala, nga ti a mahisako tona mphaxeli wa hombe dilembe ni dilembe, a wulelako txiluveloni ko basa, a txi tisa mnoha wo va i si nga wakwe.

Vahebheru 9:12

Ene a wulete kumweko dwe ka wukhalo wo Sawuleka ngutu. Ene kha phaxa ngu mnoha wa tiphongo mwendo wa tihomu, aniko a phaxile ngu mnoha wakwe wupune, a txi hi ninga kuhanya ko mbi guma.

Ezekhiyele 43:12

Awuwa mlayo wa nyumba. Txitimwi ka mimango, kotshe madhawani ka yona ku nava ku di sawulekile ngutu; ngu wona wuwa mlayo wa nyumba.

Ezekhiyele 42:14

Ngako vaphaxeli va txi wulela, kha va na mbi huma ka wukhalo wo sawuleka, va txi ya ka ligumbagumba la hahanze, aniko va na veka kona syambalo sawe sile va nga thuma ngu sona, nguko sona ngu sawuleka; se va ti ambeka simwani syambalo, va txi tshuketa ka wukhalo wu lumbako vathu.

Masalmo 93:5

Mithetho yako, Mkoma, yi tsani ngutu, dithepele dako di hanelwa ngu wusawuleki kala kupinduka!

Eksodha 39:41

syambalo sa wukhongeli asi si ambalwako ka mbimo ya mthumo wo sawuleka, syambalo so sawuleka sa Aroni mphaxeli, ni syambalo sa vanana vakwe sa mthumo wa wuphaxeli.

Eksodha 26:1

Se ditenda u na di maha ngu digumi da mijiyo ya linyu yo hehuka yo lukwa, ni nguwo ya mkuxe, ni ya txiwunguwungu ni yo bhilivila; u na yi maha yi di ni sifananiso sa makerubhima, o tshuriselwa.

Eksodha 25:4

nguwo ya mkuxe ni yo bhilivila, nguwo yo bhilivila ngutu, ni yo hehuka ya disilika ni ya matoya a phongo,

Eksodha 38:31

ni makhato a diguma ngu madhawani, ni makhato a ditimba da diguma, ni totshe tiphande ta nyumba yo sawuleka, ni totshe tiphande da diguma ngu madhawani.

Eksodha 28:5

Va na thumisa nzalama, nguwo ya mkungu, nguwo ya txiwunguwungu, nguwo yo bhilivila, ni linyu yo hehuka.