Eksodha 38:9 - Bhiblia Yo Sawuleka

⁹ A to maha diguma ngu didhawa da wulambwe, mijiyo ya kona ya diguma i ti ti ya linyu yo hehuka yo somborotelwa ya dizana wa mikono.

Eksodha 38:9 Referans Kwoze

Masalmo 100:4

Wulelani dithepeleni kwakwe mi txi bonga; wulelani siluveloni kwakwe, na mi txi embelela; mu dhumiseni mi bonga ditina dakwe!

Masalmo 92:13

Kufana ni mindonga yi yi nga phaywa m'tini ka Mkoma, ene a na kula ha mthandani ka Txizimu txathu.

Masalmo 89:7

Txizimu njo dingana kuthaviseka, ngutu msengeletanoni ka vasawuleki; txona nja hombe ni kuguletwa ngutu ngu votshe va txi randelako.

Masalmo 84:10

Ndinene ngutu kuzumba ditshiku dimwedo nyumbani kwako, kupinda kuzumba digumi da mazana a masiku hahanze! Ni randa kuzumba ha txikeni ka Nyumba ya Txizimu txangu kupinda kuzumba matendani ka vabihi.

Masalmo 84:2

Moya wangu wa navela ni kuxuva siluvelo sa Mkoma; yotshe mbilu yangu ya embelela ngu kutsaka ka Txizimu txi txi hanyako!

1 Vafumeli 6:36

A to aka kambe diguma ngu mndani ngu marigwi o vatelwa a titxhatxha tiraru ni mirwalo ya mikedhari.

Eksodha 40:33

Ku to guleka diguma di ranganyeta nyumba yo sawuleka, ni txiluvelo, se e hayeka m'jiyo wa txike txa diguma. Ngu toneto, Mosi a to maneka a di hetile wotshe mthumo.

Eksodha 40:8

U na pambiyeta diguma ngu kurendelekisa, kambe u na veka m'jiyo wa nguwo ha txikeni ka diguma.

Eksodha 26:1

Se ditenda u na di maha ngu digumi da mijiyo ya linyu yo hehuka yo lukwa, ni nguwo ya mkuxe, ni ya txiwunguwungu ni yo bhilivila; u na yi maha yi di ni sifananiso sa makerubhima, o tshuriselwa.

Eksodha 38:10

Tiphande ta kona ta magumi mambidi ni siparako, sa kona sa magumi mambidi i ti sa koporo, sihariketo sa tiphande ni siparako sa kona i ti sa silivhela.

Mitengo 4:26

ni mijiyo ya diguma, nguwo ya ha txikeni ka ditimba da diguma, adi di randelako dithepele ni txiluvelo txa kona, tingoti ni sotshe simaha sa mthumo wakwe, ni sotshe simaha asi si lavekako ka mthumo wawe.

Mitengo 3:26

Va ti ningilwe kambe kuxayisa tinguwo ta mtendela ni nguwo ya ha txidingeni ka mtendela wu wu nga ranganyeta dithepele ni txiluvelo, ni tingoti ti ti lavekako ka wotshe mthumo wa kona.