Eksodha 38:27 - Bhiblia Yo Sawuleka

²⁷ Se titalenta ta dizana ta silivhela, ti to nyivilikiswa, kasi kumaha siparako sa nyumba yo sawuleka, ni makhato a m'jiyo; siparako sa dizana si dingana titalenta ta dizana, mwendo, talenta yimweyo ngu txiparako tximwetxo,

Eksodha 38:27 Referans Kwoze

Eksodha 26:19

U na maha siparako sa mtengo wa mune wa magumi sa silivhela, ngu hahatshi ka mapulango a magumi mambidi: Siparako simbidi u na si veka ngu hahatshi ka dipulango dimwani ni dimwani, ka sikhweketo sa kona sa simbidi.

Eksodha 26:32

U na wu hayeka aha ka mune wa tiphande ta mndonga wa setime, tile ti no bhamwa ngu nzalama, ti ku ni mune wa sihariketo sa nzalama ngu txitimwi ka mune wa sipande sa silivhela.

Eksodha 26:25

Ti di ngeto, ma nava mtxhanu ni mararu mapulango, kumweko ni siparako sa kona sa silivhela sa mtengo wa digumi ni mtxhanu ni tximwetxo, si txi maneka siparako simbidi ngu hahatshi ka dipulango ni dipulango.

Eksodha 26:21

ku nava ni mune wa magumi wa siparako sa silivhela, siparako simbidi si na vekwa ka dipulango ni dipulango.

Eksodha 38:26

M'thu mmwani ni mmwani a to humisa hafu ya dixekele madingano ni mpimo wa dixekele da nyumba yo sawuleka. Votshe va va nga balwa va to sengisa toneto, kukhukhela ka va va tanga ya magumi mambidi a malembe ni kuya masoni. Mtengo wawe i ti 603.550 wa vavamna.

Eksodha 38:28

ngu maxekele awa ma nga sala a 1.775, va to maha ngu ona sihariketo sa tiphande ni sifenengeto sa kona ni timbalelo ti ti tshanganisako tiphande ta kona.