Eksodha 38:21 - Bhiblia Yo Sawuleka

²¹ Ngu yiya txhatxhameto ya simaha sa kuaka ngu sona, asile si nga thumiswa ha kuakani ka ditenda do sawuleka, i ku nyumba ya wufakazi, ayi yi nga akwa ngu va ka Levhi, ngu kuleletelwa ngu Mosi, na va txi thangelwa ngu Itamari, mwanana wa mphaxeli Aroni.

Eksodha 38:21 Referans Kwoze

Mithumo 7:44

“Vatate vathu va ti ti ni Ditenda da Wufakazi, txiwulani amuwa va nga ti veka kona sileti sa Mlayo. Ditenda diya, di mahilwe madingano ni ti txi nga leletisa tona Txizimu, ngako txi txi womba-womba ni Mosi, txi mleleta kambe kumaha nga txifananiso txi Mosi a nga txi wona,

2 Makronika 24:6

Se mfumeli a to dhana mthangeli Joyadha, a txi khene kwakwe: Ngu kutxani u nga mbi gela Valevhi kuneha siningo si si nga leletelwa ngu Mosi, txithumi txa Mkoma, msengeletanoni ka va ka Israyeli, si humako ditikoni ka Judha ni Jerusalema, kasi ku si maha sa Ditenda da Wufakazi kani?

Mitengo 10:11

Se ka dilembe da wumbidi, ka mtxima wa wumbidi, ngu ditshiku da magumi mambidi, ku to maheka ti to direfu di khukha txitimwi ka nyumba ya msengeletano.

Mitengo 9:15

Se ka ditshiku di va nga gwita kugwimba ditenda da msengeletano, direfu da Mkoma di to fenengeta nyumba ya kona, se kukhukhela ni minova, ku txi woneka txo nga mndilo wo tura txitimwi ka nyumba, kala ni mixo.

Mitengo 1:53

Kambe va ka Levhi va na gwimba matenda awe ngu madhawani ka Nyumba ya Wufakazi, kasi Txiviti txa Txizimu txi si weli txitimwi ka msengeletano wa vanana va ka Israyeli; ngu kumaha keto, va ka Levhi va na ñola mthumo wo xayisa Nyumba ya Wufakazi.

Mitengo 1:50

aniko, awe, ninga mthumo ka va ka Levhi, wa kuxayisa Nyumba ya Wufakazi, ni siya sa yona, ni sotshe si si yi lumbako. Vona va na rwala Nyumba ni sotshe siya sa kona, va na thumela ka yona mthumo wa yona, kambe va na zumbisa ku yi randela.

Mitengo 18:2

U na tsuketisa hafuhi vananu i ku va nyumba yaka Levhi, lihunzu la tate wako, va na va kumweko ni nawe, va txi kuthumela, mbimosi awe ni vanana vako mi khozelako masoni ka ditenda da Wufakazi.

Eksodha 6:23

Aroni a tekanile ni Elixeba, mwanana wa Aminadhabhe, ndiya ya Nasoni, awu a nga veleka nayo Nadhabhi, Abhiyu, Eleyazari ni Itamari.

Mtuletelo 21:3

Se ni engisile kambe dimwani dipswi da hombe di nga pfala di txi khukhela ka txikhalo txa wukoma, di txi kha dona: “Ndide ditenda da Txizimu di ku hagari ka vathu! Txona txi na aka hagari kwawe, vona va na va i di vathu va txona; se txona Txizimu txipune txi na va txi di navo, txi maha Txizimu txawe.

Mtuletelo 11:19

Dithepele da Txizimu di ku nzumani di to tuleka, se wu txi woneka dibhokiso da txitumelelano Dithepeleni ka txona. Se ku to woneka kukeluka ka nzuma, mapswi, singwalangwanda, kutsekatseka ka mafu ni txingulu txa hombe txa maralala.

2 Pedro 1:13

I fanelo yangu, ni di ngadi ni txi hanya ka ditenda diya da ha mafuni ku mi wusa, kasi ku mi zumba mi txi wonelela.

Vahebheru 9:11

Aniko Kristu, i ku Mphaxeli Wahombe wa silo sa sinene si si tako, a humelete ka ditenda da hombe da kuhetiseka, adiya di nga mbi mahwa ngu manza a m'thu, adiya i ku si nga da mtumbuluko wa ditikoni muwa.

Vahebheru 8:2

Ene i mthumeli wa wukhalo wo Sawuleka wa ditenda da ditshuri, di di nga akwa ngu Mkoma, i si nga ngu m'thu.

2 Vakorinto 5:1

Athu hotshethu, ha tiziva ti to mbimo yi wu no hasulwa mdhute wuwa hi hanyako ka wona ahawa ha mafuni, hi ni nyumba nzumani, yo akwa ngu manza a Txizimu, nyumba yo tsana ko mbi na magwito, ayi yi nga mbi mahwa ngu manza a m'thu.

Matewu 17:4

Se Pedro a to womba ka Jesu a txi khene: “Mkoma ndinene ku hi zumba konahawa. Ngako u txi ti lava, hi na aka kona hawa midhuti yiraru, wumwewo mbwako, wumwani mbwa Mosi ni wumwani mbwa Elija.”

Masalmo 15:1

Mkoma, i mani a no zumba Dithepeleni kwako ko sawuleka kani? I mani a no zumba ka mmango wako wo sawuleka kani?

Jobe 26:1

Sekoko Jobe a to xamula a txi khene:

Jobe 22:23

Se ngako u txi tshumelela ka wu wa Mtamo-wotshe, u na akwa; tsulisa kule wubihi wu wu ku ditendani kwako.

Jobe 11:4

Nguko awe u ti khawe: Gondo yangu yi sawulekile; ni sawulekile masoni kwako.

1 Makronika 6:3

Se vanana va Amiramu i Aroni, ni Mosi, ni Miriyamu; vanana va Aroni i Nadhabhi, ni Abhiyu, ni Eleyazari, ni Itamari.

Mitengo 24:5

Eto ma nga tshurisa tona matenda ako awe Jakobe! Eto di nga tshurisa tona dizumbo dako awe Israyeli!

Eksodha 40:3

U na veka ka yona dibhokiso da txitumelelano kambe u na fenengeta ngu nguwo ya m'jiyo.

Eksodha 26:33

U na hayeka m'jiyo ngu hahatshi ka siparako, kambe ngu hagari ka kona, mndani ka m'jiyo u na veka dibhokiso da wufakazi. M'jiyo wu na komba m'hingano ka wukhalo wo sawuleka ni wukhalo wo sawuleka ngutu.

Eksodha 25:16

Msana keto, u na veka Txifakaziso txi ni no kuninga aha ka dibhokiso.

Mtuletelo 15:5

Msana ka tiya ni to wona ku di tutwe dithepele nzumani, amuwa ku nga ti ni ditenda da mtshangano.

Eksodha 38:20

Otshe masinda a kona a ditenda do sawuleka ni diguma da kona, i ti sa koporo.

Eksodha 38:22

Bhezaleli, mwana Uri, mwana Huri, wa lihunzu la ka Judha, a mahile totshe ati Mkoma a nga leleta Mosi.