Eksodha 38:20 - Bhiblia Yo Sawuleka

²⁰ Otshe masinda a kona a ditenda do sawuleka ni diguma da kona, i ti sa koporo.

Eksodha 38:20 Referans Kwoze

Vakolosa 2:19

m'thu wo ngeto kha tshanganiswa ni msungo, awu i ku ka wona, mmidi wotshe, wu di tshanganisilwe ngu madingo ni misiha, wu manako kukula kuwa wu ningwako ngu Txizimu.

Isaya 33:20

Wona Siyoni, didhoropa da mibuso yathu ya lisima, maso ako ma na wona Jerusalema, dizumbo da kudikha, ditenda di di na kwa mbi thaviswa, adi tiphande ta dona ti a kwa mbi dulwa, ni tighoti ta dona kha ti na mbi bhenuka.

Isaya 22:23

Se ni na m'bethela kufana ni txipikiri ka wukhalo wo tsana, a na fana ni txikhalo txa wukoma wa lisima, ka nyumba ya tate wakwe.

Ekleziyaste 12:11

Mapswi a titxhari ma fana ni mindombo, ni ku nga sipikiri sile si nga tsaniswa ngu vagondisi va misengeletano, hi nga ningwa ngu M'dyisi mmweyo dwe.

Ezra 9:8

Se konakuwa, ngu mbimo yayidotho, hi mahetwe wumbilu ngu Mkoma, Txizimu txathu, kasi ku hi siyela vokari va di hulukile, ni ku hi ninga kuzumbiseka wukhaloni kwakwe ko sawuleka; kasi kuwoninga maso athu; o Txizimu txathu, kasi ku hi ninga wutomi wa wudotho wukhumbini kwathu.

2 Makronika 3:9

Kunemela ka sipikiri sa kona i ti ti ka mtxhanu wa magumi a maxekele a nzalama; ve bhama ni maseta a txitimwi ngu nzalama.

Eksodha 27:19

Sotshe simaha sa mthumo wa hombe wa ditenda do sawuleka, totshe tiphande ta kona ni totshe tiphande ta diguma si na va i di sa koporo.

Eksodha 38:19

Ku ti ti ni mune wa tiphande, ni mune wa siparako so mahwa ngu koporo, sihariketo i ti sa silivhela, ni sifenengeto sa misungo ya kona ni timbalelo ta kona i ti sa kubhamwa ngu silivhela.

Eksodha 38:21

Ngu yiya txhatxhameto ya simaha sa kuaka ngu sona, asile si nga thumiswa ha kuakani ka ditenda do sawuleka, i ku nyumba ya wufakazi, ayi yi nga akwa ngu va ka Levhi, ngu kuleletelwa ngu Mosi, na va txi thangelwa ngu Itamari, mwanana wa mphaxeli Aroni.