Eksodha 37:5 - Bhiblia Yo Sawuleka

⁵ Kambe a to wuleta mipakato amu ka masinda a madhawani ka dibhokiso, kasi kumana ku di pakata ngu yona.

Eksodha 37:5 Referans Kwoze

Mitengo 4:15

Msana ka kuva Aroni ni vanana vakwe va di gwitile kuveketela simaha so sawuleka ni sotshe siya sa kona, wugovelo wu na khukha, se vanana va Kohate va nata si rwala. Kambe va nga si gwese asile so yila nguko va nga fa, ngako va txi si gwesa. Awuwa ngu wona mthumo wa vanana va Kohate amu ka ditenda da msengeletano.

Mitengo 1:50

aniko, awe, ninga mthumo ka va ka Levhi, wa kuxayisa Nyumba ya Wufakazi, ni siya sa yona, ni sotshe si si yi lumbako. Vona va na rwala Nyumba ni sotshe siya sa kona, va na thumela ka yona mthumo wa yona, kambe va na zumbisa ku yi randela.

Eksodha 37:4

A to di vatela mipakato ya mapulango a mndonga wa setime, a txi yi bhama ngu nzalama.

Eksodha 37:6

Ene a to maha txikhalo txa wuxinji ngu nzalama ya yinene; txa mikono yimbidi ni hafu kulapha ka kona, ni mkono wumwewo ni hafu kuanama ka kona.

1 Vafumeli 8:8

Se minaneko yi di humelete hahanze, aha koza titshoka ta minaneko ti woneka ka wukhalo wo khongela ka wona, na u di ka wukhalo wo sawuleka ngutu; kambe ngu hahanze yi si woneki; se yi zumbile konaho, kala ka ditshiku da nyamsi.