Eksodha 37:25 - Bhiblia Yo Sawuleka

²⁵ A to maha txiluvelo txa dibaselo do bhumula ngu mapulango a mndonga wa setime, txa kulapha ka mkono wumwewo, ni kuanama ka mkono wumwewo. Txiluvelo i ti txa mune wa madhawa o fana, kambe ma ti ni mikono yimbidi ya kudemba; titshoka ta kona ti di patilwe kumweko natxo.

Eksodha 37:25 Referans Kwoze

1 Pedro 2:5

Nananu, kufana ni marigwi o hanya, mi fanete kuakwa, mi maha nyumba ya moya, ti to mi va vaphaxeli vo sawuleka, ava va humisako timhamba to tsakisa Txizimu, ngu Jesu Kristu.

Vahebheru 7:25

Ngu kota yeto, ene wa sikota kuhanyisa, ka mbimo yihi ni yihi, votshe vale va tshuketelako ngu ngene ka Txizimu, nguko ene wa hanya yotshe mbimo kufela ku va kombelela.

Vahebheru 13:10

Hi ni txiluvelo, atxiya va si faneliko kudyela ka txona ava va khozelako ditendani.

Matewu 23:19

Mabhofu-nu! Kasi nji txani txi ku ni lisima ngutu, kani? Ngu mningelo mwendo ngu txiluvelo txi sawulekisako mningelo, kani?

2 Makronika 26:16

Mbimo yile Uziya a nga wona ti to wukoma wakwe wu tsani, mbilu yakwe yi to khata kutikulisa, e ndaka Mlayo wa Mkoma Txizimu txakwe, a to wulela Nyumbani ka Mkoma e hisa dibaselo ha txiluveloni ka dibaselo.

Eksodha 40:5

U na veka txiluvelo txa nzalama txa dibaselo do bhumula ngu masoni ka dibhokiso da Wufakazi; sekoko u na hayeka m'jiyo ngu ha txikeni ka ditenda do sawuleka.

Vahebheru 9:4

Amuwa ku nga ti ni digandelo do mahwa ngu nzalama, do hisela kona dibaselo, ni dibhokiso da txitumelelano, wa kukopolwa wotshe ngu nzalama, mtundu wu wu ti ni txikadyana txa nzalama, txi nga ti ni manna, ni ndonga ya Aroni, yi yi nga ti mite mazokoro, ni sileti sa simbidi sa txitumelelano.

Eksodha 31:8

meza ni siya sa yona, se ni phande ya yinene ya malambu, ni sotshe siya sa yona ni txiluvelo txa dibaselo;

Eksodha 37:24

Ngu dhayimana yimweyo ya nzalama ya yinene a mahile meza ya malambu ni sotshe simaha sa yona.

Eksodha 37:26

A bhamile ngu nzalama ya yinene txitimwi ka kona ka txiluvelo, madhawa otshe a kona ni madhavi a kona. Ka madhawa otshe a vekile mkhwazi wa nzalama ngu kurendelekisa.

Eksodha 35:15

txiluvelo txa dibaselo ni mipakato, ni mtona wa kutota, dibaselo do bhumula, ni m'jiyo wa txike txo wulela ngu txona nyumbani ko sawuleka;