Eksodha 37:20 - Bhiblia Yo Sawuleka

²⁰ Ka didhavi da hagari ka phande ya malambu, ku ti ni mune wa magombe, o fana ni almonde, ni mavhuvhu a kona ni siluva sa kona;

Eksodha 37:20 Referans Kwoze

Jeremiya 1:11

Di tile kwangu kambe dipswi da Mkoma di txi ta kha dona: “Jeremiya, u wona txani kani?” Se ni nje khani: “Ni wona didhavi da almonde.”

Ekleziyaste 12:5

ni ku ngako makhalo o guleka ma txi zinginika, kuva ni kuthava hanzila, kuthunga mkhungu, ni humbi yi maha yo nemela, ufa ngu kunavela; nguko m'thu wa tsula ka nyumba yo gwita, se vale vo saluka, va na tsimbila-tsimbila mtendelani;

Mitengo 17:8

Mosi a to wulela ditendani ka txitumelelano, ngu ditshiku do gameta, a to ya wona ndonga ya Aroni yi di thungile yi tshumela yi humisa ni siluva, i ku nyumba ya ka Levhi, yi di velekile ni mihando yo vitwa.

Eksodha 25:33

Ka didhavi dimwedo ku nava ku di ni magombe mararu o fana ni txiluva txa almonde txo khata kuhuma ni divhuvhu; ka dimwani didhavi ku nava ni magombe mararu o fana ni txiluva txa almonde txo khata kuhuma ni divhuvhu; ku nava toneto ka mtxhanu wa madhavi ni dimwedo o humela aha ka dilambu.

Eksodha 25:31

Kambe u na maha meza ya malambu ngu nzalama yo surutetwa. Hahatshi ka meza ni txitimwi ka yona, ku nava ku di mahilwe kumweko; magombe a kona, siluva sa kona ni mazokoro a kona, si na va i di tximaha tximwetxo.

Eksodha 25:34

Aniko meza ya malambu yi na va ni mune wa magombe, o fana ni txiluva txa almonde, siluva sa kona, ni mavhuvhu a kona;

Eksodha 37:19

Ka didhavi dimwedo, ku ti ni simbiyana siraru si txi nga txiluva txa alimonde, divhuvhu ni txiluva; ni ka dimwani didhavi ku ti ni simbiyana siraru so fana ni almonde, ni divhuvhu ni txiluva. Ngu toneto, ti nga mahwa ka madhavi otshe a mtxhanu ni dimwedo, ma humako ka meza ya malambu.

Eksodha 37:21

ku ti ti ni divhuvhu dimwedo ngu hagari ka madhavi mambidi o khata ma nga ti huma ngu ka phande ya malambu, divhuvhu dimwedo ngu hahatshi ka madhavi mambidi ngu msana ka kona. Ngu toneto, ka mtxhanu wa madhavi ni dimwedo ma nga txi huma ka meza yimweyo ya malambu.