Eksodha 36:8 - Bhiblia Yo Sawuleka

⁸ Ngu toneto, totshe titxhari hagari ka votshe avale va nga ti thuma ha kuakani, va to aka ditenda do sawuleka, ve maha mthumo wa lisima, ngu digumi da tinguwo ta linyu yo tshuriselwa, yi lukelwa nguwo ya mkungu, ni ya txiwunguwungu, ni yo bhilivila, ti di ni mifananiso ya makerubhima o rungelwa ngu kutshuriselwa.

Eksodha 36:8 Referans Kwoze

2 Makronika 3:10

A to maha kambe makerubhima mambidi Nyumbani ko Sawuleka ngutu, ema bhama ngu nzalama.

1 Makronika 15:1

Dhavhidha a to ti akela kambe nyumba Didhoropani ka Dhavhidha; a to lulamisa wukhalo wo veka ka wona dibhokiso da Txizimu, ni ku di gwimbela ditenda.

1 Vafumeli 6:23

Se, nyumbani ka siprofeto, a to maha makerubhima mambidi a mapulango a muolivha, dimwedo ni dimwedo da kudembaka digumi da mikono.

Eksodha 35:10

Votshe vavamna vo txhariha hagari kwanu va nata ve ta thuma totshe ati Mkoma a nga leleta,

Eksodha 31:6

Ni mningile m'vhuneteli wakwe i ku Holiyabhi, mwana Ahizamake, wa lihunzu la ka Dhani. Ni thete wuzivi timbiluni ka totshe titxhari tanu, kasiku ve sikota kumaha totshe ati ni nga kuleleta:

Eksodha 25:22

Se konaho ni nata ni ta womba-womba ni nawe txitimwi ka txikhalo txa wumbilu, ngu hagari ka makerubhima mambidi (ma ku txitimwi ka dibhokiso da Txifakaziso), ka totshe ti ni no kuruma kugela vanana va ka Israyeli.”

Eksodha 25:18

u na maha makerubhima mambidi a nzalama yo surutetwa, magwito ka txikhalo txa wumbilu.

Eksodha 31:7

Ditenda da msengeletano, dibhokiso da txitumelelano, txikhalo txa wuxinji txi ku ngu txitimwi ka dona ni ka sotshe simaha sa ditenda;

Eksodha 36:9

Kulapha ka m'jiyo wumwani ni wumwani i ti ka magumi mambidi ni mtxhanu wa mikono ni yiraru, se kuanama ka wumwani m'jiyo i ti ka mune wa mikono; yotshe mijiyo i ti ya tipimo to fana.

2 Makronika 1:3

Se Solomoni ni wotshe msengeletano wule a nga ti nawo va to tsula mmangoni ka Gibheyoni, nguko di ti ti koneyo ditenda da msengeletano wa Txizimu, dile Mosi, txithumi txa Mkoma a nga ti di gwimbile txiwulani.

Eksodha 39:3

Nzalama yi to tshulwa yi txi maha tibhande to hehuka, ti bhandiselwa ti txi songa, kasi kukoteka kulukwa ka nguwo yo hehuka ya mkungu, ya txiwunguwungu ni yo bhilivila, ni ka linyu ya lisima, ku txi rungelwa ngu kutshuriselwa ka wutxhari.