Eksodha 36:2 - Bhiblia Yo Sawuleka

² Mosi a to dhana Bhezaleli ni Oholiyabhe ni votshe vathu va wutxhari avale Mkoma a nga va ninga wuzivi, votshe avale timbilu tawe ti nga va ruma ti to ve ti ningetetela amu ko maha yotshe mithumo.

Eksodha 36:2 Referans Kwoze

Vahebheru 5:4

M'thu a nga thuke a txi ti tekela apune txikhunja txiya; hahanze ka wule a nga dhanwa ngu Txizimu kufana ni Aroni.

Vakolosa 4:17

Gelani kambe Arkipo mi txi khanu: “Tsimbitisa kha kwati mthumo wu u nga wu amukela manzani ka Mkoma; wu thume ngu tifanelo ta tinene.”

Eksodha 31:6

Ni mningile m'vhuneteli wakwe i ku Holiyabhi, mwana Ahizamake, wa lihunzu la ka Dhani. Ni thete wuzivi timbiluni ka totshe titxhari tanu, kasiku ve sikota kumaha totshe ati ni nga kuleleta:

Mithumo 14:23

Msana ka kuva va di vekile madhota masoni ka otshe mabanza, ngu ku va sanzeka manza ni ku va khongelela ni kutitona sakudya, va to va veka manzani ka Mkoma, awu va nga kholwa kwakwe.

1 Makronika 29:5

nzalama ka siya sa nzalama, silivhela ka siya sa silivhela, ka wotshe mthumo wa manza a vathumi. I mani koko, a nga tatako dianza dakwe ngu siningo e ningela ngu kuranda kwakwe nyamsi ka Mkoma kani?

Eksodha 35:10

Votshe vavamna vo txhariha hagari kwanu va nata ve ta thuma totshe ati Mkoma a nga leleta,

Eksodha 35:2

Amu ka mtxhanu wa masiku ni dimwedo mndani ka divhiki, mi nga sikota kuthuma totshe, aniko ngu ditshiku da wutxhanu ni mambidi di na va do sawuleka, i Sabbata ya kuhumula ka Mkoma. Awule a manekako a txi thuma ka ditshiku donedo a na dawa.

Eksodha 28:3

U na womba kambe ka votshe vale va timbilu to txhariha, avale ni nga va tata ngu moya wa wutxhari, ti to va txi mahela syambalo Aroni, kasi ku mkatekisa, a ni thumela amu ka wuphaxeli.

Eksodha 25:2

“Gela vanana va ka Israyeli va txi tisa msengo. Ni na amukela msengo wa m'thu ni m'thu awu mbilu yakwe yi rumako ku ti maha.

Eksodha 36:1

Bhezaleli, Oholiyabhe, ni votshe vale va nga ningwa wutxhari ngu Mkoma, va txi va ni wuzivi ni mapimo, va to ta va ta maha mithumo yotshe ya mu nyumbani ko sawuleka, madingano ni sileleto si va nga ningwa ngu Mkoma.”

Eksodha 36:3

Vona va to amukela, ngu ka Mosi sotshe simaha sa miningelo, asi vanana va ka Israyeli va nga si tisa, kasi ku ta khata kumaha mthumo wa kuaka nyumba ya wukhongeli. Vanana va ka Israyeli va to simama ve tisa miningelo ditshiku ni ditshiku ni mixo, ngu kuranda kwawe.

1 Makronika 28:21

Se wona, taku u ni mitxawa ya vaphaxeli ni ya Valevhi, kuva ve maha wotshe mthumo wa Nyumba ya Txizimu; kambe u ni vathu vo ti ningetetela, va zivako kumaha yotshe mithumo ya tixaka totshe, votshe vathangeli ni votshe vathu vaho, kasi kumaha totshe ti u no va ruma.

Eksodha 25:40

Wonisisa koko, u maha madingano ni zumbelo ya kona nga tona ti u nga kombwa tona mmangoni.