Eksodha 35:35 - Bhiblia Yo Sawuleka

³⁵ a va ningile wutxhari wo maha totshe tixaka ta mithumo ya kuwumba ni ya kuvata; ya kurunga ko tshurisela aha ka tinguwo ta mkungu, ni to bhilivila, ni ta mkuxe ni ta linyu, kasiku va txi ziva kumaha mithumo yotshe ni kutumbula yimwani.

Eksodha 35:35 Referans Kwoze

Eksodha 35:31

A mningile Moya wa Txizimu, a txi mninga wutxhari, ni wuzivi, ni mapimo, ka totshe tixaka ta mithumo;

1 Vafumeli 7:14

Awuwa i ti ti mwanana wa wamsikati wa noni, wa lihunzu la ka Naftali, tate wakwe i ti ti wa Tiro i nga ti ti txhari ya koporo; i ti ti tate ngu wuzivi, ni mapimo, ni wutxhari wo maha yotshe mithumo ya koporo; ene a tile ka mfumeli Solomoni e ta maha yotshe mithumo yakwe.

Isaya 28:26

Txizimu txakwe txa m'gondisa, ni ku mkomba ati a dinganako kumaha.

Eksodha 31:3

ni mthete Moya wa Txizimu, wa wuzivi ni wutxhari, ni mapimo ka totshe tixaka ta mithumo,

2 Timoti 2:15

Khutalela kumaneka masoni ka Txizimu u di m'thu wu a nga dukwa, txithumi txi txi si faneliko kutelwa ngu tingana, awu a gondisako dipswi da ditshuri ngu nzila yo lulama.

Eksodha 31:6

Ni mningile m'vhuneteli wakwe i ku Holiyabhi, mwana Ahizamake, wa lihunzu la ka Dhani. Ni thete wuzivi timbiluni ka totshe titxhari tanu, kasiku ve sikota kumaha totshe ati ni nga kuleleta:

1 Timoti 4:16

Ti wonele upune, u txi xola ni gondo yi u gondisako. Tsana ka sona, nguko ngako u txi maha toneto, u na ti hanyisa awe ni va va ku engisako.

1 Timoti 3:15

kasiku ngako ni txi thuka ni txi swela, u na ziva ti u fanelako kuhanyisa tona nyumbani ka Txizimu, i ku Dibanza da Txizimu txi txi hanyako: Ngu dona i ku phande ya hombe ni txihiketo txa ditshuri.

Vagalatiya 3:5

Awule a mi ningako Moya, a txi maha sidiwukiso hagari kwanu, ina a maha eto ngu mhaka ya kuvekisa Mlayo mwendo ngu mhaka ya kuva mi di engisile mahungu a likholo kani?

Vagalatiya 3:2

Hi ngani ni gela mhaka yiya: Mi amukete Moya ngu mhaka ya kuvekisa Mlayo mwendo ngu mhaka ya kuamukela mahungu a likholo, kani?

1 Vakorinto 12:12

Ngu toneto, kufana ni mmidi i ku wumwewo, kambe wu ku ni sihango sasingi, asi, hambiko i ku sasingi, si mahako mmidi wawumwewo, ngu toneto nene Kristu.

1 Vakorinto 12:8

Mmwani a ningwa kuwombawomba mapswi a wutxhari ngu wona Moya, mmwani a ningwa kuwomba dipswi da wuzivi madingano ni wona Moya wu wawumwewo;

1 Vakorinto 12:4

Kuho kuhambana ka sihiwa, aniko Moya wona mbumwewo;

1 Vakorinto 1:7

se ti di mahile eto, kha mi pwatekelwi ngu kateko ni ya yimweyo, anu mi verelako kuta ka Mkoma Wathu Jesu Kristu;

1 Vakorinto 1:5

nguko mi pfunetwe ngu sotshe simaha ngu mhaka yakwe: Ngu otshe mawombelo ni kotshe kuziva.

Mithumo 19:8

Paulo a to wulela disinagogani, se e heta mitxima yiraru, a txi womba-womba ngu kutsana timhaka ta Mfumo wa Txizimu, a txi zama kukholwisa avale va nga ti mu engisa.

Mithumo 19:6

Se mbimo yi Paulo a nga va sanzeka manza, Moya wo Sawuleka wu to txhika txitimwi kwawe, se vona ve khata kuwombawomba tidimi ni kuprofeta.

Jobe 7:6

Masiku angu ma tutuma ngutu, kupinda txhingani ya marungani, me mwalala ku si nga ni kuverela txilo.

2 Makronika 2:14

mwanana wa wamsikati mmweyo wa vanana va Dhani, awu tate wakwe i nga ti ti wa Tiro; awuwa wa sikota kukela nzalama, ni silivhela, ni msuku, ni tisimbi, ni mapulango, ni ngu kuluka linyu ngu purpura, ni nguwo wa mxaka wa nzumani, ni ngu linyu yo songa, ni ngu karmezimi, futhi wa txarihisela ka mthumo wo vata marigwi, ni sotshe sa kumahwa ngu wutxhari, tximaha txihi ni txihi a gelwako ku tximaha, kumweko ni sizivi sako ni sizivi sa Dhavhidha, nyamne wangu ni tate wako.

1 Vafumeli 3:12

wona ti to ni mahile tona ti u nga kombela; wona ti to ni ku ningile mbilu ya wuzivi ngutu ni kupimisisa, u sanzi ku va ho, wo fana ni nawe kha nga vaho, niku msana kwako, wa ku nga awe kha na mbi humelela.

Eksodha 26:1

Se ditenda u na di maha ngu digumi da mijiyo ya linyu yo hehuka yo lukwa, ni nguwo ya mkuxe, ni ya txiwunguwungu ni yo bhilivila; u na yi maha yi di ni sifananiso sa makerubhima, o tshuriselwa.

Isaya 38:12

Mbimo ya kuhanya kwangu yi tsute, se yi thavisilwe kwangu, kufana ni m'dhuti wa m'dyisi; ni wite kufana ni mluki wutomi wangu; ku nga no wilwa ka txo lukwa; kukhukhela ni mixo kala minova, u na ni heta.

Eksodha 36:1

Bhezaleli, Oholiyabhe, ni votshe vale va nga ningwa wutxhari ngu Mkoma, va txi va ni wuzivi ni mapimo, va to ta va ta maha mithumo yotshe ya mu nyumbani ko sawuleka, madingano ni sileleto si va nga ningwa ngu Mkoma.”