Eksodha 35:31 - Bhiblia Yo Sawuleka

³¹ A mningile Moya wa Txizimu, a txi mninga wutxhari, ni wuzivi, ni mapimo, ka totshe tixaka ta mithumo;

Eksodha 35:31 Referans Kwoze

Jakobe 1:17

Sotshe sihiwa sa lisima, sotshe siningo sa kuhetiseka, si ta ngu txitimwi, si txi txhika ngu ka Tate wa liwoningo, awu a ku si nga ni kutxitxa, awu kuwoninga kwakwe ku ku si nga ni kutxitxa ku txi maha txidema.

2 Makronika 2:14

mwanana wa wamsikati mmweyo wa vanana va Dhani, awu tate wakwe i nga ti ti wa Tiro; awuwa wa sikota kukela nzalama, ni silivhela, ni msuku, ni tisimbi, ni mapulango, ni ngu kuluka linyu ngu purpura, ni nguwo wa mxaka wa nzumani, ni ngu linyu yo songa, ni ngu karmezimi, futhi wa txarihisela ka mthumo wo vata marigwi, ni sotshe sa kumahwa ngu wutxhari, tximaha txihi ni txihi a gelwako ku tximaha, kumweko ni sizivi sako ni sizivi sa Dhavhidha, nyamne wangu ni tate wako.

Vakolosa 2:3

awu i ku kwakwe txi nga siswa txotshe txuma txa wutxhari ni wuzivi.

Isaya 28:26

Txizimu txakwe txa m'gondisa, ni ku mkomba ati a dinganako kumaha.

Eksodha 28:3

U na womba kambe ka votshe vale va timbilu to txhariha, avale ni nga va tata ngu moya wa wutxhari, ti to va txi mahela syambalo Aroni, kasi ku mkatekisa, a ni thumela amu ka wuphaxeli.

Eksodha 31:3

ni mthete Moya wa Txizimu, wa wuzivi ni wutxhari, ni mapimo ka totshe tixaka ta mithumo,

Eksodha 35:30

Msana keto, Mosi a to khene ka vanana va ka Israyeli: “Zivani taku Mkoma a dhani ngu ditina Bhezaleli, mwana Uri, mwana Huri, wa lihunzu la ka Judha.

Eksodha 35:32

a mningile mapimo a kutumbula mithumo, ni kumaha mithumo ya nzalama, ni ya silivhela, ni ya koporo;

Eksodha 35:35

a va ningile wutxhari wo maha totshe tixaka ta mithumo ya kuwumba ni ya kuvata; ya kurunga ko tshurisela aha ka tinguwo ta mkungu, ni to bhilivila, ni ta mkuxe ni ta linyu, kasiku va txi ziva kumaha mithumo yotshe ni kutumbula yimwani.

1 Vafumeli 7:14

Awuwa i ti ti mwanana wa wamsikati wa noni, wa lihunzu la ka Naftali, tate wakwe i ti ti wa Tiro i nga ti ti txhari ya koporo; i ti ti tate ngu wuzivi, ni mapimo, ni wutxhari wo maha yotshe mithumo ya koporo; ene a tile ka mfumeli Solomoni e ta maha yotshe mithumo yakwe.