Eksodha 35:26 - Bhiblia Yo Sawuleka

²⁶ Vavasikati votshe avale va nga ti txharihile ni timbilu to tsakela kuthuma, va to luka matoya a tiphongo.

Eksodha 35:26 Referans Kwoze

Eksodha 35:21

Ni votshe avale va nga ti ni kunavela ka ditshuri ni timbilu to lulama va to tsula se va txi ya teka miningelo yawe kasi ku ta ningela ka Mkoma yi txi maha miningelo ya simaha sa wuaki wa ditenda da msengeletano ka mthumo ni ka syambalo so sawuleka.

Eksodha 36:8

Ngu toneto, totshe titxhari hagari ka votshe avale va nga ti thuma ha kuakani, va to aka ditenda do sawuleka, ve maha mthumo wa lisima, ngu digumi da tinguwo ta linyu yo tshuriselwa, yi lukelwa nguwo ya mkungu, ni ya txiwunguwungu, ni yo bhilivila, ti di ni mifananiso ya makerubhima o rungelwa ngu kutshuriselwa.

Eksodha 35:29

Votshe vanana va ka Israyeli, vavamna ni vavasikati, avale va nga ti ni kunavela kumaha mningelo wuhi ni wuhi kasi kukulisa mthumo awu Mkoma a nga ruma Mosi kasiku e wu maha, m'thu ni m'thu a to heleketa ngu kuranda ka mbilu mningelo ka Mkoma.

Eksodha 35:25

Se votshe vavasikati vo txhariha va zivako kuluka tinguwo, va to luka ngu manza awe vapune, ve wuyisa tinguwo ta mkungu, ni to zirila, ni to bhilivila, ni ta linyu yo tshura.

Eksodha 35:27

Vathangeli va ditiko va to ningela marigwi a onekisi ni mamwani marigwi, aawa ma vekelwako amu ka efodhe ni ka nguwo ya hakhana;

Eksodha 36:2

Mosi a to dhana Bhezaleli ni Oholiyabhe ni votshe vathu va wutxhari avale Mkoma a nga va ninga wuzivi, votshe avale timbilu tawe ti nga va ruma ti to ve ti ningetetela amu ko maha yotshe mithumo.

2 Vafumeli 23:7

Kambe a khundumusete tinyumba ta vakhozeli va sifananiso si nga ti ti Nyumbani ka Mkoma, emo vavasikati va nga ti ti luka sinyumbana so veka sithungulu so vatwa.

Mavingu 31:19

Wa ñola ndonga e luka simaha ngu manza akwe, kambe ona manza akwe ma ñola ndonga yo hora ngu yona.