Eksodha 35:25 - Bhiblia Yo Sawuleka

²⁵ Se votshe vavasikati vo txhariha va zivako kuluka tinguwo, va to luka ngu manza awe vapune, ve wuyisa tinguwo ta mkungu, ni to zirila, ni to bhilivila, ni ta linyu yo tshura.

Eksodha 35:25 Referans Kwoze

Vafilipiya 4:3

Na ku kombela nawe Siziku, mngana wangu wo thembeka ti to u txi va vhuna vamame va va nga lwa kumweko ni nani ka mhaka ya Evhangeli, va di ni Klemente ni vamwani vathumi kulothu, ava matina awe ma nga bhalwa dibhukuni ka wutomi.

Vagalatiya 3:28

Kha kuswi ku di ni Mujudha mwendo Mugriki, kha ku na khumbi mwendo mthuseki, kha ku na wamwamna mwendo wamsikati, nguko motshenu mi vamwevo ngu ka Kristu Jesu.

Varoma 16:12

Dingulani Trifena ni Trifosa, vavasikati va va thumelako ditinani ka Mkoma. Dingulani Persidha wu a randekako, awu nene a nga thuma ngutu ditinani ka Mkoma.

Varoma 16:6

Dingulani Mariya, awu a nga thuma ngutu hagari kwanu.

Mithumo 9:39

Se Pedro a to khukha e tsula navo. Ku ti ngako a di hokile, va to mu yisa ka nyumba yile ya txitezini. Votshe vavasikati va tinoni va to ta mu randela na va txi dila, va txi mkomba mikhatxwa ni tinguwo ti Dhorkasi a nga va rungela tona, a di ngadi navo.

Mavingu 14:1

Ni wihi wamsikati wu a nga txhariha wa ti akela nyumba yakwe, aniko awule wa txiphukuphuku a yi haxula ngu manza akwe.

Eksodha 36:1

Bhezaleli, Oholiyabhe, ni votshe vale va nga ningwa wutxhari ngu Mkoma, va txi va ni wuzivi ni mapimo, va to ta va ta maha mithumo yotshe ya mu nyumbani ko sawuleka, madingano ni sileleto si va nga ningwa ngu Mkoma.”

Eksodha 31:6

Ni mningile m'vhuneteli wakwe i ku Holiyabhi, mwana Ahizamake, wa lihunzu la ka Dhani. Ni thete wuzivi timbiluni ka totshe titxhari tanu, kasiku ve sikota kumaha totshe ati ni nga kuleleta:

Eksodha 28:3

U na womba kambe ka votshe vale va timbilu to txhariha, avale ni nga va tata ngu moya wa wutxhari, ti to va txi mahela syambalo Aroni, kasi ku mkatekisa, a ni thumela amu ka wuphaxeli.

2 Vafumeli 23:7

Kambe a khundumusete tinyumba ta vakhozeli va sifananiso si nga ti ti Nyumbani ka Mkoma, emo vavasikati va nga ti ti luka sinyumbana so veka sithungulu so vatwa.

Eksodha 35:24

Votshe vale va nga sikota kumaha mningelo ngu silivhela ni koporo, va to si yisa ka Mkoma. Votshe avale mitini kwawe va nga ti ni mapulango a setime, ma nga ti thumiswa aha ka kuaka, va to ma tisa.

Eksodha 35:26

Vavasikati votshe avale va nga ti txharihile ni timbilu to tsakela kuthuma, va to luka matoya a tiphongo.

1 Makronika 28:21

Se wona, taku u ni mitxawa ya vaphaxeli ni ya Valevhi, kuva ve maha wotshe mthumo wa Nyumba ya Txizimu; kambe u ni vathu vo ti ningetetela, va zivako kumaha yotshe mithumo ya tixaka totshe, votshe vathangeli ni votshe vathu vaho, kasi kumaha totshe ti u no va ruma.