Eksodha 35:22 - Bhiblia Yo Sawuleka

²² Vavamna ni vavasikati, votshe avale va nga txi ti lava ngu mbilu, va to kombisa, va txi heleketa masinda, singeda, tiphera, tiketani sotshe simaha sa nzalama; mmwani ni mmwani a to maha mningelo wa nzalama, awule a nga wu longisela kuva wa Mkoma.

Eksodha 35:22 Referans Kwoze

Matewu 2:11

Se va di wulete nyumbani, va mani mwanana ni mame wakwe Mariya, se va to khizama, ve mu khozela; va di tute mikwama yawe va to mluva ngu nzalama ni dibaselo ni mira.

Ezekhiyele 16:11

Ni ku bombisile ngu so tshura, ni ku ambekile masinda mawokoni, ni wusekenya mkoloni.

Isaya 60:13

Wudhumo wa Libhanoni wu nata kwako; kumweko ni mikipresi, ni mipinyeru, ni misiringa, kasi ku ta tshurisela wukhalo wangu wo sawuleka; se ni na dhumisa wukhalo wu mikondo yangu yi emako ka wona.

Isaya 60:9

Ngu ditshuri, sitondolo si na ni verela, se kukhata, nzitimela sa Tarxixi, si no neha vanana vako, vale vatako ngu kule, va nata ni nzalama yawe ni silivhela yawe, kusawulekisani ka ditina da Mkoma, Txizimu txako, ni Msawuleki wa Israyeli, nguko a ku dhumisile.

Isaya 3:19

sikurufu ni tiketani, ni syambalo so vangamela;

Mitengo 31:50

Ngu kumaha keto, va to tisa mningelo ka Mkoma, mmwani ni mmwani ngu ha a nga pimisa ngu kona: Mihindo ya msuku, tiphera, masinda, tiketani, ni wusekenya.

Eksodha 32:3

Sekoko vathu votshe va to tanyulela ha tinzeveni kwawe, singeda va txi ti tisa ka Aroni,

Eksodha 32:2

Aroni a to va xamula a txi khene: “Thaviselani singeda sa nzalama ati ti ku tinzeveni ka vasikati vanu, ni ka vanana vanu vavafana ni vamahorana, mi txi ni tisela kona hawa.”

Eksodha 35:21

Ni votshe avale va nga ti ni kunavela ka ditshuri ni timbilu to lulama va to tsula se va txi ya teka miningelo yawe kasi ku ta ningela ka Mkoma yi txi maha miningelo ya simaha sa wuaki wa ditenda da msengeletano ka mthumo ni ka syambalo so sawuleka.

Eksodha 35:23

Votshe vale tinyumbani kwawe va nga ti ni tinguwo ta lisima ta mkungu, nguwo yo bhilivila, ya mtatanga, linyu yo hehuka, matoya a tiphongo, madhowo a tihamba, a penda yo bhilivila, ni madhowo o hehuka, va to si teka va txi si heleketa.

2 Vafumeli 12:4

Se Jowasi a to gela vaphaxeli ku khene: Male yotshe ya sile so sawuleka si tiswako Nyumbani ka Mkoma, kufana ni male ya sixambanyo, ni male ya m'thu ni m'thu madingano ni mtengo wa siya, ni yotshe male yi tiswako ngu mmweyo ni mmweyo ngu kutilava kwakwe, Nyumbani ka Mkoma,

2 Makronika 29:31

Ezekhiya a to xamula a txi khene: Konkuwa anu mi nga ti ningela ka Mkoma, tshuketani mi tisa mhamba ni miningelo ya kudhumisa, Nyumbani ka Mkoma. Se msengeletano wu to tisa mhamba ni miningelo ya kubonga, vamwani ngu kuranda kwawe, va humisile miningelo ya kuhiswa.

Mavingu 25:12

Awule a gondako ngu kuengisa sileleto, i txhuko kupinda singeda sa nzalama yo hehuka.