Eksodha 34:9 - Bhiblia Yo Sawuleka

⁹ a txi khene: “Mkoma, ngako ani ni di mani kukateka masoni kwako, tsimbila kumweko ni nathu, hambiko vathu vava i ku va misungo yo banga, divalela wubihi wathu ni sionho sathu, u txi hi fuya, hi va thomba yako.”

Eksodha 34:9 Referans Kwoze

Masalmo 33:12

Di katekile ditiko dile Txizimu i ku Mkoma wa dona; ni vathu vale txi nga va sawula kuva thomba ya txona.

Masalmo 94:14

Mkoma kha na mbi tshotsha vathu vakwe; ene kha na mbi tsukula avale i ku vathu vakwe.

Dhewuteronome 32:9

Nguko txyavelo txa Mkoma ngu vathu vakwe; Jakobe njiavelo txa thomba yakwe.

Masalmo 135:4

Mkoma a ti sawulete Jakobe ni va ka Israyeli kasiku ve maha thomba yakwe.

Masalmo 28:9

Mkoma, hulukisa ngamu yako, u txi katekisa vathu va va kulumbako; va xayise nga m'dyisi, u txi va vekisa kala kupinduka.

Jeremiya 10:16

Awu i ku txiningo txa ka Jakobe kha fanani naso; nguko ngene mmahi wa silo sotshe; Israyeli lixaka la thomba yakwe, ditina dakwe Mkoma wa Mabutho a Tiyimbi.

Eksodha 32:9

Mkoma a wombile kambe ka Mosi a txi khene: “Na wona ati to vathu vava i vathu va mapimo o banga.

Zakariya 2:12

Sekoko Mkoma a na fumela Judha, eva thomba yakwe ka ditiko do sawuleka, kambe a na sawula Jerusalema.

Masalmo 78:62

Txizimu txi henyile ngutu ngu mhaka ya vathu va txona, txi va lekile ve dawa ngu ditxhari da mlala.

Eksodha 19:5

Kukhukhela ka kuwa, ngako mi txi engisa dipswi dangu, mi txi londeta mhaka ya txitumelelano txangu, hagari ka votshe vathu, sekoko mi na va mi di thomba yangu. Nguko dotshe ditiko ndangu.

Matewu 28:20

mi txi va gondisa kuvekisa totshe tiya ni nga mi leleta tona. Se wonani, ni ni nanu yotshe mbimo, kala kugumani ka mafu.”

Isaya 48:4

Nguko ni ti tiziva ta ku u bangi msungo, thamo yako yi fana ni msiha wa simbi, ni mbanza yako yi fana ni suku.

Masalmo 25:11

Mkoma, sionho sangu nza hombe ngutu, ni divalele kasi kudhumisa ditina dako.

Mitengo 14:19

Divalela vathu vava ka sionho sawe ngu wuhombe wa wumbilu wako, nga ha u nga va divalela kukhukhela Egipta, kala hawa.”

Eksodha 34:7

Wo tala ngu lirando la hombe, kala ka magumi a mazana a tiveleko, wo divalela wubihi, kueyisa ni sionho, aniko kha fananisi muonho ni wamnene; kambe wa tsayisa vanana ni vatukulu, kala ka liveleko la wuraru ni la wumune, ngu mhaka ya sionho sa vatate vawe.”

Dhewuteronome 4:20

Aniko, Mkoma a mi tekile e mi humisa ditikoni ka Egipta, ka txikho txa tisimbi, kasi ku miva vathu va mi kuthomba yakwe, ku nga ti nyamsi mi ti wonako.

Dhewuteronome 9:18

Ni to ti wisa kambe masoni ka Mkoma, nga txikhati txo khata, ni heta mune wa magumi a masiku, ni mune wa magumi a wusiku, ni sidyi dipawu, ni si seli mati, ngu mhaka ya txionho txiya txa hombe, txi mi nga txi maha, ngu kumaha ati i ku to biha masoni ka Mkoma, mi txi mu henyisa.

Dhewuteronome 9:26

Ni to khongela ka Mkoma ni txi khani: Mkoma Txizimu, u nga lovise vathu vako, ni thomba yako, ngawe u nga va tirula ngu wuhombe wako, u txi va humisa ditikoni ka Egipta, ngu dianza dako da mtamo.

Dhewuteronome 9:29

Aniko, vona mbathu vako ni thomba yako; awe ngawe u nga va humisa wukhumbini, ngu mtamo wako wa hombe, ni diwoko dako da wundena.

Mika 7:18

I mani wo fana ni nawe, u divalelako wubihi u divala ni wueyisi wa miboti ya thomba yako kani? Mkoma kha veki kupandiseka kwakwe yotshe mbimo, nguko a tsakiswa ngu wumbilu amu ka wunene.

Eksodha 33:12

Mosi a to womba ka Mkoma a txi khene: “Awe Mkoma u ni gete u txi khawe: Humisa vathu vava; aniko khwa ni komba awule u no mruma ni nani. Kambe u ti khawe: Na kuziva ngu ditina dako, se u mani dithomo masoni kwangu.”