Eksodha 34:7 - Bhiblia Yo Sawuleka

⁷ Wo tala ngu lirando la hombe, kala ka magumi a mazana a tiveleko, wo divalela wubihi, kueyisa ni sionho, aniko kha fananisi muonho ni wamnene; kambe wa tsayisa vanana ni vatukulu, kala ka liveleko la wuraru ni la wumune, ngu mhaka ya sionho sa vatate vawe.”

Eksodha 34:7 Referans Kwoze

Masalmo 103:3

Ngene a divalelako sotshe sionho sangu a txi ni hanyisa ka yotshe mipando yangu;

Vaefesu 1:7

Hi mani kutirulwa ngu ngene, hi mani divalelo ya sionho ngu mhaka ya mnoha wakwe, i ku kudivalelwa ka sionho sathu, ngu mtamo wa kutala ka tikateko ta Txizimu,

Jeremiya 32:18

Ngawe u nga mahela wumbilu magumi a mazana, u tshumeta wubihi wa vatate tikhanani ka vanana vawe msana kwawe; u wa hombe, Txizimu Nyamitamo, ditina dako u Mkoma wa Mabutho a Tiyimbi.

1 Johani 1:9

Ngako hi txi ti tshanza sionho sathu, Txizimu txi thembekile ni kululama, kasi ku hi divalela sionho sathu ni ku hi basisa ka wotshe wubihi.

Dhaniyeli 9:9

Wumbilu ni kudivalela si lumba Mkoma, Txizimu txathu; nguko hi mueyisile, hi m'wukete.

Masalmo 130:4

Aniko awe wa ziva kudivalela, kasiku athu hiva ni txithavo.

Jobe 10:14

Ngako ni txi onha, awe wa ni wona; ka wubihi wangu, khu na mbi ni divalela.

Eksodha 23:7

Ti hambukise ka mhaka ya makuhu; u nga daye m'thu wo lulama ni wamnene, nguko ani kha ni na mbi emela txigevenga.

Nahume 1:6

I mani a no ema masoni ka txiviti txa Mkoma kani? I mani a no timisela masoni ka kutura ka kuhenya kwakwe kani? Txiviti txakwe txi thekete ku nga mndilo, se marigwi ma hoxotilwe ngu ngene.

Dhaniyeli 9:4

Se ni to khongela ka Mkoma, Txizimu txangu, ni ti tshanza, ni txi khani: Yowe! Mkoma! Txizimu txa hombe, txo thaviseka, awe u xayisako txitumelelano ni wumbilu, ka vale va kurandako, va xayisako sirumo sakwe;

Vahebheru 12:29

Nguko, Txizimu txathu, i mndilo wu wu hisako.

Vaefesu 4:32

Zumbani mi di vavanene, mi txi pfelana wumbilu. Divalelanani kufana ni kuwa Txizimu ni txona txi nga mi divalela ngu ka Kristu.

Masalmo 86:15

Aniko awe, Mkoma, u Txizimu txa wunene ni wumbilu, u wa kutimisela, u di tate ngu wunene ni kuthembeka.

Mika 7:18

I mani wo fana ni nawe, u divalelako wubihi u divala ni wueyisi wa miboti ya thomba yako kani? Mkoma kha veki kupandiseka kwakwe yotshe mbimo, nguko a tsakiswa ngu wumbilu amu ka wunene.

Nehemiya 9:32

Konkuwa koko, awe Txizimu txathu, awe Txizimu txa hombe, txa mtamo ni kuthisa, txi xayisako txitumelelano ni wunene, yi nga maneke i di yidotho yotshe xomulo yi yi nga hi hokela, ni vafumeli vathu, ni vathangeli vathu, ni vaphaxeli vathu, ni vaprofeti vathu, ni vatate vathu, ni votshe vathu vako, kukhukhela ka masiku a vafumeli wa va Asiriya, kala ka ditshiku da nyamsi.

Nehemiya 1:5

Ni txi khani: Awe, Mkoma, Txizimu txa nzumani, Txizimu txa hombe txo thaviseka, awe u xayisako txitumelelano, ni kupfela wusiwana vale va ku randako, va xayisako sirumo sako!

Mithumo 13:38

Vanathu, ti ziveni ti to kudivalelwa ka sionho ku nuwelwa kwanu ngu ngene m'thu wuwa.

Mithumo 5:31

Txizimu txi mu guletile ngu dianza da txona da txinene txi txi mu maha Mkoma ni Muhanyisi, kasi ku ta tulela Israyeli nzila ya kuhunduluka, ni kudivalelwa ka sionho.

Joxuwa 24:19

Sekoko Joxuwa a to khene ka vathu: “Kha mi na mbi sikota kuthumela Mkoma, nguko ene i Txizimu txo Sawuleka, Txizimu txo khatala, atxi txi no mbi sikota kutimisela ngu kueyisa kwanu ni sionho sanu.

Dhewuteronome 32:35

Kulumba ani kuphota ni kutshumetela, txa tshuketela txikhati txi mikondo yawe yi no rithimuka, ditshiku da kulova kwawe di hafuhi, ati ti nga longiselwa vona ta tshuketela hafuhi ngu txikuluveta.

Eksodha 23:21

Yi xoniphe masoni kwako, u txi engisa dipswi da yona, u nga yi eyise, nguko kha yi na mbi divalela sihoxo sanu, kambe yona yi na womba ngu ditina dangu.

Mtuletelo 21:8

Kambe ka va va dizowa, vo mbi kholwa, vo dhunda manyala, va dayi va vathu, magelegele, va matiloti ni votshe va lumbeti, vakhozeli va si i ku si nga Txizimu, ni ka votshe va makuhu, txyavelo txawe ngu kuvinzwa txizivani ka mndilo wo tura ngu txivavula, i ku lona lifo la wumbidi.”

Mtuletelo 20:15

Se avale va nga ti sa bhalwa dibhukuni ka wutomi va to vinzwa ni vona txizivani ka mndilo.

Luka 7:48

Msana keto, a to gela wule wamsikati a txi khene: “U divaletwe sionho sako.”

Luka 7:42

Ngako va nga ti si nga ni so diha ngu sona, a to va divalela sikweneti sawe votshe vavambidi. Se ngu wuhi ka va vavambidi, a no va ni lirando ngutu kwakwe kani?”

Matewu 12:31

“Ngu konaho ni khani kwanu: Vathu va na divalelwa sotshe sionho ni sotshe siruko, kambe kuruka Moya wo Sawuleka kha ku na mbi divalelwa.

Mika 6:11

Ina ani ni nga huluka ni sikalo so kanganyisa kani? Ni disaka da mipimo ya wudyeleli kani?

Isaya 45:21

Zivisanani mi tshuketa, mi maha txikungo motshenu; i mani a nga zivisa tiya kukhukhela kale kani? I mani kukhukhela kaleko a nga zivisa kani? Ina hingani Mkoma kani? Se kha ku na tximwani Txizimu hahanze kwangu; Txizimu txo lulama, ni M'uhanyisi, kha txingaho, hahanze kwangu.

Masalmo 136:15

A bhwabhwamelisile Faro ni dibutho dakwe, ka Linene lo Bhilivila; nguko lirando lakwe nda kala kupinduka!

Masalmo 136:10

Awule a nga dayela matiwula a Vaegipta; nguko lirando lakwe nda kala kupinduka!

Matewu 6:12

Hi divalele sionho sathu ngako nathu hi va divalelako ava va hi onhelako.

Genesisi 19:16

Ngako a nga ti ti kana-kana, vavamna vale va to mñola ngu diwoko, kumweko ni msikati wakwe, ni vanana vakwe vavambidi vamahorana, nguko Mkoma a ti ni wumbilu ngu vona. Vona va to mu humisa veya m'veka hahanze ka didhoropa.

Eksodha 33:19

Kambe Mkoma a to khene: “Ni na pindisa ngu masoni kwako wotshe wunene wangu, kambe ni na huwelela masoni kwako ditina dangu. Ni na mahela wunene awule ni mlavako, ni kambe ni na mahela wumbilu awule a ni tsakisako.”

Eksodha 34:9

a txi khene: “Mkoma, ngako ani ni di mani kukateka masoni kwako, tsimbila kumweko ni nathu, hambiko vathu vava i ku va misungo yo banga, divalela wubihi wathu ni sionho sathu, u txi hi fuya, hi va thomba yako.”

Dhewuteronome 7:9

U na ti zive koko ti to Mkoma, Txizimu txako, Njizimu, Njzimu txo thembeka, a xayisako txitumelelano ni wumbilu, kala ka 1.000 wa tiveleko, ka vale va mrandako, ni kuvekisa sirumo sakwe;

Dhewuteronome 7:10

aniko ene a tshumetela ngu ku va lovisa avale va m'vengako, kha sweli kudihisa, a na va tshumetela.

1 Vafumeli 8:30

Engisa kudila ka txithumi txako ni ka vathu vako va ka Israyeli, mbimo yi va khongelako ka wuwa wukhalo; kambe awe engisa, ka wukhalo wu u zumbako ka wona nzumani, engisa kambe divalela.

2 Makronika 30:9

Nguko mi txi hindulukela ka Mkoma, vananu ni vanana vanu ava va nga tsuliswa wukhumbini va na mahelwa wumbilu ngu vale va nga va teka, va na va wuyisa ditikoni muwa; ngu ku Mkoma Txizimu txanu txi ni wuxinji ni wumbilu kha txi na mbi mi tshuralela ngako mi txi tshumelela ka txona.

Jeremiya 9:24

Aniko awu a ti dhundako e ti dhundela ka yiya mhaka, ti taku a di ni kupfisisa e ni ziva, ti taku ngani Mkoma ni mahako wumbilu, ni kupamula ni wululamo ha mafuni; nguko na xalaliswa ngu sa ku ngeto, kuwomba Mkoma.

1 Vafumeli 8:32

awe koko, engisa u di nzumani, u maha, u lamula sithumi sako, u sunga m'bihi, u mmrweka manandu wakwe ha msungo kwakwe, se u maha ta tinene ka wo lulama, u mmahela madingano ni wululami wakwe.

Masalmo 25:11

Mkoma, sionho sangu nza hombe ngutu, ni divalele kasi kudhumisa ditina dako.

Masalmo 99:8

Awe Mkoma, Txizimu txathu, u va xamute! Kwawe u ti wonekisile kota Txizimu txi txi divalelako vathu, hambiko u nga si leki ku va tsayisa ngu sionho sawe.

Masalmo 109:14

Txizimu txi na alakanye sionho sa vatate vawe mame wakwe a nga divalelwe sionho sakwe

Jeremiya 30:11

Nguko ani ni kumweko ni nawe, kuva ni txi kuhanyisa, kuwomba Mkoma. Nguko ni na heta otshe matiko awa ni nga ti ku hangalasile ka ona; aniko awe kha ni na mbi kuhetisa; ni na kulaya ngu wululamo, kha ni sikoti ku kuleka u sa pekwa.