Eksodha 34:6 - Bhiblia Yo Sawuleka

⁶ Mkoma a to pinda koko ngu masoni ka Mosi, se Mosi e kwangula a txi khene: “Awe Mkoma Txizimu, Txizimu txa wumbilu ni kupfela, wo swela kuhenya kambe wo tala ngu wuha ni kuthembeka!

Eksodha 34:6 Referans Kwoze

Masalmo 86:15

Aniko awe, Mkoma, u Txizimu txa wunene ni wumbilu, u wa kutimisela, u di tate ngu wunene ni kuthembeka.

Joyeli 2:13

Kambe vharulani timbilu tanu, i si nga syambalo sanu, se hundulukelani ka Mkoma, Txizimu txanu; nguko ene a ni wumbilu, ni kupfela, wa swela kuhenya, mbwa hombe ngu wumbilu, kambe wa tilaya ka wubihi.

Masalmo 145:8

Mkoma a ni wunene ni wumbilu; wa timisela kambe a ni kutsetsa.

Nehemiya 9:17

Se va to lamba ku kuengisa, va si khumbuli sixamaliso sako sile u nga va mahela, ve ti nemelisa kuthumani kwawe, se ngu wuhurupha wawe va to ti sawulela mthangeli, kasi ku e va thangela ve tshumelela wukhumbini kwawe; kambe awe u Txizimu txi txi divalelako, txo pfela ni wumbilu, txi swelako kuhenya, txo tala ngu wunene, se awe khwa va leka;

Jona 4:2

Se a to kombela ka Mkoma, a txi khene: Yowe! Mkoma! Ina hi nga tona tiya ni nga womba, ni di ngadi ditikoni kwangu kani? Ngu mhaka yeto, ni ti vhikete, ni tutumela kuya Tarxixi, ngu kuziva taku, u Txizimu txo pfela, ni wumbilu, txo timisela, ni kutala ngu wunene, ni ti taku wa hunduluka ka to biha.

Masalmo 86:5

Nguko awe, Mkoma, u wamnene, wa divalela; wa amukela ngu mbilu votshe vale va ku khozelako.

2 Makronika 30:9

Nguko mi txi hindulukela ka Mkoma, vananu ni vanana vanu ava va nga tsuliswa wukhumbini va na mahelwa wumbilu ngu vale va nga va teka, va na va wuyisa ditikoni muwa; ngu ku Mkoma Txizimu txanu txi ni wuxinji ni wumbilu kha txi na mbi mi tshuralela ngako mi txi tshumelela ka txona.

Mika 7:18

I mani wo fana ni nawe, u divalelako wubihi u divala ni wueyisi wa miboti ya thomba yako kani? Mkoma kha veki kupandiseka kwakwe yotshe mbimo, nguko a tsakiswa ngu wumbilu amu ka wunene.

Dhewuteronome 5:10

Kambe na maha wumbilu ka magumi a mazana a vale va ni randako, ni kuvekisa sirumo sangu.

Masalmo 138:2

Ni na rendekela dithepeleni kwako ko sawuleka, kambe ni na bonga ditina dako, ngu mhaka ya lirando lako ni ditshuri dako; nguko u guletile dipswi dako txitimwi ka dotshe ditina dako.

Masalmo 116:5

Mkoma ana ni wumbilu ni kululama, Txizimu txathu txi na ni wumbilu.

Masalmo 108:4

Wunene wako wu gulekile ngutu kupinda nzuma ni kuthembeka kwako ka pinda marefu.

Varoma 2:4

Mwendo wo kanyisa kutala ka wunene wa Txizimu, ni kutimisela ka txona, ni kuhonisela ka txona; khu ti zivi ti to wunene wuwa wa Txizimu wu ku ndindela kuya kuhundulukani kani?

Masalmo 111:4

Mkoma kha hi leki hi divala sidiwukiso sakwe; ene a tate ngu wunene ni wumbilu;

Masalmo 112:4

M'thu wo lulama a fana ni liwoningo li woningako txidemani; ene ana ni wuxinji, ni wumbilu, ni wunene.

Masalmo 57:10

Lirando lako nda hombe, li hoka ni tinzumani ni kuthembeka kwako kumanela marefu.

Eksodha 22:27

nguko adileya didhamba dakwe ni txyambalo txo sisa mmidi wakwe; se a na fenengela txani kani? Ngako a txi dila kwangu, ani ni na mu engisa, nguko ni wa wumbilu.

Mika 7:20

Jakobe a na mninga kuthemba, se Abrahamu a na mninga wunene wule a nga xambanya ka vatate vathu, kukhukhela ka masiku a kale.

Sidilo 3:23

Wumbilu wa Mkoma, wu woneka i di wa wuphya ka ditshiku ni ditshiku; kuthembeka kwako Mkoma nga hombe.

Johani 1:17

Nguko hi ningilwe Mlayo manzani ka Mosi, aniko kateko ni ditshuri hi wuyisetwe ngu Jesu Kristu.

Masalmo 91:4

Mkoma a na kufenengeta ngu mitenga yakwe, hahatshi ka tibhapi takwe u na maneka u di tsani; ditshuri dakwe njitxhavangu ni txitsaniso!

Masalmo 31:19

Mbwa hombe ngutu wunene wako, Mkoma! Awu u nga wu lulamisela avale va kuthembako; awu u mahelako vona vale va kuthembako, masoni ka votshe.

Isaya 12:4

Se ka ditshiku donedo, mi na khanu: Bongani Mkoma, mi pfalisa ditina dakwe, gelani vathu simaho sakwe, embelelani ti to ditina dakwe di txitimwi ngutu.

Masalmo 111:8

nguko yi tsanisilwe kala kupinduka yi mahilwe ngu ditshuri ni kululama.

1 Vafumeli 19:11

Se Mkoma a to khene ka Elija: Huma hahanze u txi ya maneka mmangoni masoni ka Mkoma. Se Mkoma a txi pinda, kumweko ni moya wa hombe wa mtamo, wu nga txi bhandelela mmango, ni kukhundumusa marigwi masoni ka Mkoma; aniko Mkoma a ti si ngaho ka moya wule; wu di pindile moya wule ku to zinginika mafu; emo kambe asi ngaho Mkoma.

Masalmo 146:6

a nga va nga tinzuma ni mafu, linene ni sotshe si si kuho ka sona, kambe a xayisako ditshuri kala kupinduka;

Jakobe 5:11

Wonani, athu hi va bala ti to va katekile avale va nga tsanisela amu ka sixaniso. Mi ti engisile ti txi wombwa ta kutimisela ka Jobe, kambe mi ma woni magwito awa Mkoma a nga mninga ona, nguko Mkoma ana ni wumbilu ni divalelo.

Eksodha 20:5

U nga si khizamele, u txi si khozela; nguko ani Mkoma, Txizimu txako, ni Txizimu txa txiluse, ni tsayisako vanana ngu mhaka ya sionho sa vatate vawe, kala ka liveleko la wuraru ni la wumune, la vale va ni vengako.

Eksodha 33:19

Kambe Mkoma a to khene: “Ni na pindisa ngu masoni kwako wotshe wunene wangu, kambe ni na huwelela masoni kwako ditina dangu. Ni na mahela wunene awule ni mlavako, ni kambe ni na mahela wumbilu awule a ni tsakisako.”

Dhewuteronome 4:31

Nguko Mkoma, Txizimu txako, Njizimu txa wumbilu, kha na mbi mi leka, kambe kha na mbi mi lovisa, nguko kha na mbi divala txitumelelano txi ene a nga xambanyelana ni vatate vanu.

Dhewuteronome 32:3

Nguko ni na huwelela ditina da Mkoma; Dhumisani Txizimu txathu!

1 Vafumeli 8:30

Engisa kudila ka txithumi txako ni ka vathu vako va ka Israyeli, mbimo yi va khongelako ka wuwa wukhalo; kambe awe engisa, ka wukhalo wu u zumbako ka wona nzumani, engisa kambe divalela.

Ekleziyaste 8:11

Nguko kulamulwa ka wo biha kha ku kuluveti kuta, ngu mhaka yeto, timbilu ta vanana va vathu ti navela kumaha wubihi.

Isaya 65:16

Se awule a katekiswako ha mafuni a na katekiswa ngu Txizimu txa ditshuri; ni wule a xambanyako ha mafuni, a na xambanya ngu Txizimu txa ditshuri; Nguko sixaniso sa kale si divatwe, kambe si fenengetilwe masoni kwangu.

Jeremiya 9:24

Aniko awu a ti dhundako e ti dhundela ka yiya mhaka, ti taku a di ni kupfisisa e ni ziva, ti taku ngani Mkoma ni mahako wumbilu, ni kupamula ni wululamo ha mafuni; nguko na xalaliswa ngu sa ku ngeto, kuwomba Mkoma.

Jeremiya 32:18

Ngawe u nga mahela wumbilu magumi a mazana, u tshumeta wubihi wa vatate tikhanani ka vanana vawe msana kwawe; u wa hombe, Txizimu Nyamitamo, ditina dako u Mkoma wa Mabutho a Tiyimbi.

Nahume 1:3

Mkoma wa swela kuhenya, aniko mbwa hombe amu ka mtamo wakwe, se ka muonhi, kha mmahi wo mbi na mnandu; Nzila ya Mkoma yi mu ka txingulu ni txihuhuri; se marefu lithulu la mikondo yakwe.

Genesisi 24:27

a txi khene: “A na dhumiswe Mkoma, Txizimu txa Abrahamu, nyamne wangu, nguko ene Mkoma kha leka kukomba wunene wakwe ni kuthembeka kwakwe ka nyamne wangu, a txi ni heleketa ngu nzila yo lulama m'tini ka maxaka a nyamne wangu.”

Mitengo 12:8

Ene no womba-womba nayo ngu txisofu, ni ti kombisa, na i si nga kusisalani; kambe ene wa so maha ngu kuwona wutumbu wa Mkoma; ngu kutxani koko mi nga mbi thava kulenga txithumi txangu Mosi kani?”

2 Samuwele 24:14

Sekoko Dhavhidha a to khene ka Gadhi: Ni ha kuxanisekani ka hombe; kambe he weleni manzani ka Mkoma, nguko wumbilu wakwe mbwa hombe ngutu; aniko manzani ka vathu ni nga wele kona.

Mavingu 3:3

Wunene ni kuthembeka si nga ku leke; si sungelele thamoni kwako; si bhale ka txileti txa mbilu yako.